SHADI

營業中

休息中

今次係黎潮聖嘅！係Open Rice見到好多人話呢度啲burger好食，食材又新鮮即叫即整，肉都係極等級而且係冰鮮唔係雪藏，身為burger控嘅我梗係要黎試下啦！交通算幾方便，係宋皇臺站行過嚟一條直路就到。 離遠就已經見到呢一間舖頭因為裝修幾靚而且顏色突出， 係一間以籃球為主題嘅burger shop幾得意。 呢間係外賣堂食都得嘅，今日唔算熱咁就當然堂食啦🤣 等緊嘅時候有歌聽所以都ok。今次試左佢地個雙層牛堡，首先我要講真係好！有！肉！汁！完全唔實而且好有牛味，應該真係新鮮打同整出黎👍好大份食完好飽好滿足！佢個醬汁都係另一個重點， 聽店員講呢個係佢哋自家製嘅醬汁唔怪得咁好食， 個醬甜甜地好開胃又唔會遮到牛肉嘅鮮味。因為我哋都係牛魔王 所以第二個我哋試咗牛肉腸熱狗😎超級大個而且佢個牛味係好重🤤鐘意食牛嘅必點！個茄汁比平時果啲濃味，問下先知原來連茄汁都係自家製😮人哋果然冇介紹錯呢間真係好高質 出面食呢個質素起碼要百零二百蚊 呢度一百蚊都唔使超抵食！！！下次想試埋佢自家製pizza😎