麻辣派對 (瑞生酒店) (已結業)

原本打算係The One附近覓食，不遠處見到麻辣派對的招牌，應該是新開無耐，當然要去試吓尖沙咀分店有兩層，地方比銅鑼灣寬敞得多，亦有大量卡座，佈置裝飾一如以往十分精緻。餐牌上食物款式及價錢都依舊不變。先點了冰雪鮮檸C飲，很大一杯，有滿滿的檸檬青檸，解辣一流。涼盤要了口水雞，辣度要了bb辣，雞皮爽滑，肉質不柴，辣度的後勁較強。蒜蓉炒菜心很夠鑊氣，吃辣之餘都需要健康輕怡的小炒。七味雞脆骨炸得非常酥脆，每粒都是大大粒雞軟骨，絕不是一大舊粉團。最後的金牌酸辣水晶粉，同樣點了BB辣，水晶粉彈牙同時亦容易咀嚼，吸收晒濃濃酸辣湯底，加上配菜豐富，有酸菜、花生、肉碎及芫茜，香氣撲鼻