天仁茗茶 (軒尼詩道)

營業中

休息中

呢個星期日我哋一行幾日呢就去動漫展玩吓，咁樣入場之前呢梗係整返杯手搖飲品先啦，依家天氣咁熱成35 36度。咁我哋喺灣仔地鐵站一出呢就見到呢一間天仁茗茶啦，咁我之前飲過佢哋嘅鮮橙綠茶呢都好正嘅，今次佢有一隻係熱情果鮮橙綠茶咁就諗住試一試啦。不過唔知係咪叫咗少甜嘅關係，所以好似水咁淡而無味，一啲橙汁味都飲唔到。因為加上以前飲過鮮橙綠茶就算少甜都係好有橙味嘅，所以就去咗叫店員睇一睇係咪出錯，跟住佢就重新沖一杯俾我。重新沖完之後味道就非常之好飲啦！同埋橙味都好出，熱情果都好好味道，所以如果下次你哋飲到一啲唔係好同以前味道一樣嘅話呢就即管叫店員沖過一杯，可能有時忙中有錯啫。店員服務都非常之好，一見我話唔太滿意就馬上重新幫我調校過一杯。