燒肉801

營業中

休息中

職員嘅服務質素好好👍🏻有禮貌得黎又熱情，同我講有咩唔明唔清楚唔識燒即管問佢地😂好窩心。價錢方面係比出面d一人燒肉貴少少，但質素就高好多。今次嗌咗1.志盛(2人前) 追加冷麵set同生菜set2.威士忌梳打3.雪碧嘢飲就正常發揮，但肉拼盤好正，提供咗唔同種類嘅肉，有黑毛和牛小排、黑毛和牛上肩肉、極上厚切牛胸腹柳、鹽味牛舌，鹽味雞腿肉同黑毛豚無骨小排。全部都好新鮮嫩滑，燒完配埋舖頭提供嘅燒肉汁就已經好好味，而追加嘅冷麵Set分量啱啱好，食落酸酸maymay好開胃，兩個人食追加埋Set都幾飽下。