影片
更多
2021-05-25
206 瀏覽
最近同同事傾開好耐冇食過酸菜魚對上一次食已經係兩三年前返大陸食於是就約去同事屋企附近嘅一間家庭小店回味一下！感覺上餐廳係家庭小店經營，老闆老闆娘都非常熱情❤️ 餐廳裝修雖然比較舊，但係食物質素同服務都有驚喜！餐廳除咗酸菜魚之外亦都有得食雞煲羊肉煲豬骨煲等等， 仲有其他小炒小菜等大排檔菜式，見其他客點嘅小菜賣相都非常吸引，相信好快回再嚟試吓～至於我哋就一如當初嘅選擇，揀咗酸菜桂花魚鍋！佢有分大中細鍋，由於我哋想之後打埋邊爐食下其他野，所以我哋就揀咗細鍋啦！當佢一上鍋嘅時候我哋嚇到目定口呆，仲問吓老闆娘有冇落錯單！嗰個細鍋都竟然係咁大鍋，分量十足絕無稀客😱😱 我哋兩個人淨係食晒啲魚都已經有八成飽！首先講吓個桂花魚，真係真係真係好滑！而且魚肉係好厚切， 一梳梳咁好滿足！不得不提佢哋嘅酸菜湯底，老闆娘話係自己新鮮煲嘅魚湯，又好貼心問我哋食唔食得辣，我哋唔算食得辣所以要求要小辣；至於酸菜魚要食得過癮就一定要湯底夠酸，呢個湯底嘅酸係用左酸菜同埋檸檬，令到成個魚鍋有一份清香！呢個酸菜魚喎真係好抵食，咁大煲都係$238，仲要係咁高質， 好過返大陸食！當個酸菜魚鍋食得7788嘅時候，老闆娘主動過嚟幫我哋加
對上一次食已經係兩三年前返大陸食
於是就約去同事屋企附近嘅一間家庭小店回味一下！
感覺上餐廳係家庭小店經營，老闆老闆娘都非常熱情❤️ 餐廳裝修雖然比較舊，但係食物質素同服務都有驚喜！
餐廳除咗酸菜魚之外亦都有得食雞煲羊肉煲豬骨煲等等， 仲有其他小炒小菜等大排檔菜式，見其他客點嘅小菜賣相都非常吸引，相信好快回再嚟試吓～
至於我哋就一如當初嘅選擇，揀咗酸菜桂花魚鍋！佢有分大中細鍋，由於我哋想之後打埋邊爐食下其他野，所以我哋就揀咗細鍋啦！當佢一上鍋嘅時候我哋嚇到目定口呆，仲問吓老闆娘有冇落錯單！嗰個細鍋都竟然係咁大鍋，分量十足絕無稀客😱😱
我哋兩個人淨係食晒啲魚都已經有八成飽！首先講吓個桂花魚，真係真係真係好滑！
而且魚肉係好厚切， 一梳梳咁好滿足！
不得不提佢哋嘅酸菜湯底，老闆娘話係自己新鮮煲嘅魚湯，又好貼心問我哋食唔食得辣，我哋唔算食得辣所以要求要小辣；至於酸菜魚要食得過癮就一定要湯底夠酸，呢個湯底嘅酸係用左酸菜同埋檸檬，令到成個魚鍋有一份清香！呢個酸菜魚喎真係好抵食，咁大煲都係$238，仲要係咁高質， 好過返大陸食！
當個酸菜魚鍋食得7788嘅時候，老闆娘主動過嚟幫我哋加湯打邊爐～我哋叫咗一份特級安格斯肥牛 $198
仲叫咗個雙拼鮮蝦雲吞+韭菜餃 $68
另外仲嗌左豬頸肉（$58）&豬大腸（$48）
嘢飲方便就嗌咗佢地自己煲嘅竹蔗茅根水$33
嗰個安格斯肥牛咁啱佢切到一半肥一半瘦
瘦嘅一半牛味好濃郁；肥嘅一半好有油脂香
至於雲吞同韭菜餃老闆娘介紹話係自己每日新鮮包嘅，所以個餡都好飽滿～
而豬大腸亦都好正！佢哋洗得好乾淨唔會有豬臭味，豬腸入邊嘅肥膏索咗酸菜湯底之好正😋 今餐係非常滿足食得過癮嘅一餐！
張貼
