隨變燒烤麻辣雞煲

營業中

休息中

今晚我哋一行10人慶祝兩位朋友生日就嚟呢度食雞煲，雖然佢話入咗起計兩個鐘，不過最後我哋都坐咗三個鐘，仲切埋蛋糕添。好彩一早電話book咗位，如果唔係星期六呢個鐘數已經爆曬。我哋叫咗一個清湯全雞同一個麻辣小辣全雞，我就食開麻辣湯底嘅，我諗隨變呢度嘅麻辣雞煲真係我食過最好食嘅，佢用大大隻瓦煲，嗰個雞煲味係好特別，而且好多洋蔥莞茜大蔥，非常惹味配料方面必選肥牛、隨便粉、豆卜、墨魚滑、凍豆腐！另外，呢度啲蔬菜都洗得非常乾淨！其實佢仲有串燒架，不過我哋雞煲已經太飽食唔落冇叫到，下次有機會會試吓！