牛奶冰室 (啟鑽商場)

營業中

休息中

呢間嘢細細間，平時夜晚好多人，所以好少去。今晚唔知點解有好多位，想去好耐，終於有機會啦。入面2人枱之間拍得都幾近，要好小心先攝到入去埋邊位。但係坐落都舒服嘅。雖然過咗6點，仲叫到個羊腩飯餐。先嚟杯熱檸水🍋，唔駛督檸檬，好方便。杯嘢夠哂熱，又唔會太酸，又唔澀口，唔錯呀。等咗十幾分鐘，碟飯先嚟。啲餸係另上嘅，熱嘞嘞，食到我出汗。餸大大碟，好足料呀。🐑羊腩好腍，啲肉好易離骨嘅，唔臊，但係好似掙啲啲花椒八角味。啲支竹蘿白都好腍好入味。🌽粟米細細件，容易食。汁夠多，唔算太鹹，送飯最好。感覺啲侍應都好好人，好有禮貌。係間嘢有少少油煙味，都可以接受。整體唔錯，都算抵食。