牛奶冰室 (啟鑽商場)

營業中

休息中

-（全日常餐）生滾薑蔥牛肉湯伊麵 配 牛乳炒滑蛋 ＋ 熱冷壓檸檬茶  $54湯底好味伊麵口感唔錯
冷壓檸檬茶不及傳統茶記好飲- 蒜香蜜汁叉燒前火焗流心蛋飯 ＋ 熱即磨咖啡  $62呢個餐可免費升級做三蛋幾好味美中不足係叉燒較乾身，唔夠肥美 

味道雖然只係一般般但係啲姐姐全部都好友善所以總會係諗唔到食乜嘢嘅時候就選擇佢嘅分店 (有嘅話)通常都坐得舒服，唔使搭枱呢啲我係好欣賞 真係要讚佢雞扒鐵板餐叉燒煎蛋飯

呢間嘢細細間，平時夜晚好多人，所以好少去。今晚唔知點解有好多位，想去好耐，終於有機會啦。入面2人枱之間拍得都幾近，要好小心先攝到入去埋邊位。但係坐落都舒服嘅。雖然過咗6點，仲叫到個羊腩飯餐。先嚟杯熱檸水🍋，唔駛督檸檬，好方便。杯嘢夠哂熱，又唔會太酸，又唔澀口，唔錯呀。等咗十幾分鐘，碟飯先嚟。啲餸係另上嘅，熱嘞嘞，食到我出汗。餸大大碟，好足料呀。🐑羊腩好腍，啲肉好易離骨嘅，唔臊，但係好似掙啲啲花椒八角味。啲支竹蘿白都好腍好入味。🌽粟米細細件，容易食。汁夠多，唔算太鹹，送飯最好。感覺啲侍應都好好人，好有禮貌。係間嘢有少少油煙味，都可以接受。整體唔錯，都算抵食。

下午茶唔知食咩好，咁啱見到牛奶冰室，就去食吓啦Order咗炒貴刁同鮮奶紅豆冰，炒貴刁嘅味道幾好食，好香，河粉乾身，不過份量就有啲細，即使係女仔食都覺得唔係好夠雪糕鮮奶紅豆冰好有驚喜，值得推薦俾大家，飲品甜度適中，奶味香濃，但冇掩蓋紅豆嘅甜，同椰汁紅豆冰嘅感覺好唔同；飲品上面嘅雪糕好大個，仲喺牛奶雪糕，成杯滿滿牛奶味

無一次記得俾餐具，然後回應完全表現唔到任何唔好意思同埋覺得對唔住嘅態度。大佬我得一個鐘食飯，喺地盤做嘢連餐具都冇我唔通仲特登返去你度攞到匙羹叉？我就咁落樓下買完個飯，跟住佢話要同餐廳聯絡第二日回覆，然後佢第二日直接扣咗錢話退翻一蚊餐具錢咁即係咩意思啊？叫我用手食？講真大家都係做嘢，如果你第一次出現呢啲咁嘅問題我都唔會咁樣投訴，但係已經係第二第三次嘅問題每一次嘅回應都係不了了之。今時今日香港真係有你哋呢啲咁嘅服務態度所以飲食業玩完唔係冇原因。

今朝一早我哋喺啟鑽苑商場嘅牛奶冰室買咗外賣 叫咗兩個早餐 一個係一口豚肉伊麵 另一個係自選雙餸伊麵 我選擇咗餐肉同腸仔 飲品方面 一個係凍咖啡 一個係凍檸茶 另外仲配咗雙流心蛋加多士個餐份量真係好大 好飽 一口豚肉真係幾好食 煮得入味 肉質唔會太硬 伊麵嘅口感都幾好 而自選雙餸伊麵入面嘅餐肉同腸仔 餐肉味道正常 不過腸仔就有啲失望 味道唔係咁好值得一提嘅係 外賣嘅麵同湯係分開包裝 真係非常貼心 至少返到屋企伊麵唔會淋晒 保持咗原本嘅口感 雙流心蛋用美極鮮醬油去煮 煮得啱啱好 蛋黃流心 非常好食 多士亦都好脆 配埋流心蛋一齊食 真係一大享受總體嚟講 呢次早餐體驗非常滿意 份量足夠 味道亦唔錯 除咗腸仔之外 其他嘢都幾好

雖然網上嘅人一直對牛奶冰室好壞參半，但其實連鎖快餐店嚟講算幾好啦！跟餐飲選擇多，我試咗杯美祿加煉奶，好甜嘅我覺得超好飲野食係茄汁焗豬扒，好大份啵！夠入味，總體嚟講我覺得OK！

附近收工想食咖喱🐮牛腩飯 諗起呢間細細間嘅牛奶冰室 同埋黃大仙都返塊牌🤣既搞笑記憶入正題嗌咗佢嘅招牌咖喱🐮腩飯+凍奶茶走甜多奶 首先呢度係用電話自己落單既 如果落唔到都可以叫侍應幫手 腩汁偏甜 冇乜辣味 所以話好似日式嘅咖喱 但就冇日式咖喱嘅🥬蔬菜同肉碎 牛腩係一粒粒 肉質主導好淋 份量都幾多 小編表示滿意😌 佢嘅🍚飯就有啲搞笑 係成嚿黐埋咗 進食前要壓碎 但係珍珠米 算係救返個分數 最後係凍奶茶 呢度嘅特色係高身杯 超大杯 鍾意晚飯後同朋友吹吓水 係一個幾好嘅選擇👍

突然之間想食酸菜魚，所以嗌咗個酸菜魚米線，再加花膠雞湯，點知個酸菜魚湯底沒有酸味只有辣味，魚又腥，好處就係佢有冬菇同我想配菜☹️，然後個湯好似溝咗水咁淡，以為個賣相幾好諗住幾好味，好似廿幾30蚊以為會有少少質素，同平時茶餐廳送嘅例湯味一樣，呢兩樣嘢食咗少少已經勁頸渴😔😔下次茶餐廳都係帶返普通燒味蛋飯好似先無死，另外我男朋友嗌咗雞翼蛋飯，其實係唔錯，切記嗌新嘢。。瀨晒嘢🤦🏿‍♀️🤮🤦🏿‍♀️🤦🏿‍♀️🤦🏿‍♀

呢間都係我經常食午餐或晚餐鍾意佢湯底有落牛奶十次有七次都會叫呢個生滾薑蔥牛肉米粉配牛乳炒蛋#蒜蓉牛油多士（多士我多數會問佢拎個紙袋帶走）佢個湯底加左奶真係好香好正牛肉唔un有d菜係入面～好滿足炒蛋好滑唔知有無加奶多士好香蒜蓉味蒜香蜜汁叉燒煎半焗流心蛋飯睇相都感受到雙蛋有幾咁流心撈飯簡直無得輸仲有豉油汁添叉燒半肥瘦都幾厚肉架呢個爆漿拉絲菠蘿包真係不得了食半個其實都好膩佢應該係有兩款芝士～嚟到熱辣辣小心燙咀用紙巾墊一墊芝士汁多到可以啜芝士愛好者唔好錯過啦

話說今天出門見到只係微雨，點知一出地鐵就發現係黃雨格局，於是食埋午餐先返公司揀咗個全餐，就係瑞士汁雞翼蔥油撈即食麵，我對瑞士汁雞翼真係冇抵抗力🫣🫣炒蛋轉左流心蛋，但上來的係有驚喜嘅，估唔到係煎到有金黃脆邊的蒜蓉牛油多士，蒜蓉味十足，鍾意食蒜嘅朋友一定要超喜歡，不過對於我來說，就稍稍多了一些，把面頭的蒜蓉輕輕撥走一些就可以了😌😌瑞士汁雞翼煮得夠入味，甜甜鹹鹹的麵質彈牙，撈埋啲瑞士汁一齊食，太正了反而杯茶走就唔係咁特別，茶味不夠濃，但我已經點咗要濃D😅

四川火鍋嘅味道，辣椒有道地的味度飯似係珍珠米整體配合，口感不錯值得推薦———進食期間有個小插曲：有人客來買菠蘿包，－名店員說已經售罄，但再之前一名店員問他是否堂食。他便感覺到因為是堂食所以不賣給他？因為他手機查到是仍有的😂後證實真是一場誤會，🕸️上未及時更新而已———-我座位31號，就在大門旁，天氣炎熱，店內冷氣充足，但夥計又不去關門，又冇電風閘😂😂

今日早上大約十點同屋企人去食早餐，叫咗三個早餐，嘢食好快到，我哋食咗大約半個鐘，門外不斷有人排隊等入座。我哋諗住坐多一陣就走，當我仲飲緊杯咖啡時，個女侍應就攞張單嚟，好似催我哋走咁，仲未問過我就收走我杯清水！佢哋咁樣做真係趕客，唔會再幫襯！

疫情期間開業的這間冰室，因為位處鑽石山站傍，很多時轉車經過來這裡吃一頓快的。今天天氣熱，十時許到店時原本要在門外排隊等位，但店員問，「如不介意搭枱，不如先入店吧，天氣太悶熱了（打風天🌀）」。茶餐廳，當然不介意啦，三十多元的早餐絕對不會奢望一人佔全枱的 👌🏻早餐到了，有驚喜，火腿米粉都有好多切碎的綠色蔬菜🥬🥦，這是在茶餐廳／快餐店鮮有的。整體食物、飲品都好，最好是體貼的服務、多點人情味，連搭枱的一家人也是，應該係大家都有近似嘅 energy frequency 吧🤩。食物，除了裹腹，還可以連繫人❣️

🚇位於鑽石山新開既啟鑽苑商場，係鑽石山地鐵站步行幾分鐘就會到牛奶冰室，見咁近我一於就試下佢。✨瑞士汁雞翼半焗流心雙蛋飯（$58）瑞士汁雞翼好入味，而且肉質夠霖👍🏻流心雙蛋個蛋黃我覺得可以再流心一點，佢整得熟咗小小，飯質有點兒爛飯。✨黑糖牛乳涼粉冰（套餐+$9）見佢特飲+$9實在係太吸引，平時出面最少都加十幾蚊先有特飲，黑糖味好足夠，如果飲管更加粗大更好，會比較容易吸涼粉。整體感覺都不錯，手機落單很方便，落單5分鐘就有食物，可以一試。