穴 (已搬遷) 新店位置

昨晚朋友聚會去幫襯，有訂檯所以唔駛等. 現場環境舒適，服務態度好(朋友係熟客)。自己係第一次去，睇個餐牌第一個想法係魚生及壽司選擇較少所以都冇乜意見，由朋友發辦。魚生、壽司夠新鮮但都幾"的色"，最誇張係個魷魚包海膽，細件到呢 .... 最唔好係所有熟食都係過鹹，仲唔係輕微果隻，連個穴子(鰻魚)壽司個汁都係鹹到有d離譜 ! 理論上炒野唔會係日本師傅做唔會因為日本問題影響到個廚師心情；第一碟炒麵巳經出聲，但係跟住o既軟殼蟹沙律同第二份炒麵同穴子壽司都冇改善，咁就唔多尊重客人啦. 希望餐廳要明白客人當然希望服務好但係服務食唔到落肚，最終都要出品得至可以留客。起碼下次朋友話要再幫襯，我都會比多一兩個選擇啦。