熊本牛鍋 (世宙商場)

營業中

休息中

唔知大家係咪住係屯元天，我個人就覺得屯元天都幾多雞煲打邊爐，可以話係成行成市，但係呢一間我覺得係值得推介既，因為價錢、質素都係上上乘既，另外我覺得環境都係一個重要既一環，試過係元朗一間鋪頭佢開左出面比我地坐，但係就冇燈，仲可能有小強係隔離行過，而呢種對於我呢個後生仔黎講係好唔中意既一樣野，會驚住食食下加送咪出事。我當初黎呢間餐廳老實講就係佢既優惠睇落都唔錯，今次我有兩個朋友生日啦，仲有免費升級套餐都真係好抵，你諗下四十蚊一位，咁條式就係40*1.1*8個人，唔講生日優惠呢個都節省好多錢，加上佢既美食同埋１８０分鐘，真係好過去果Ｄ大型連鎖店打邊爐，佢既雞煲湯底唔可以話真係好好食，但係不過不失啦，唔係難食，呢個價錢冇理由仲要求佢既質素高高高嫁嘛，就算係香港人都唔可以咁樣，應該知足常樂，欣賞人地好既地方，唔係不停攻擊果少少既不足，而最後我想講我真係會再帶朋友黎呢到食，一來因為好食，二來因為價錢相宜！