Check In ThaiViet (已結業)

📍Check In ThaiViet上環新街15-17號地舖同事30大壽食返餐好嘅，作為foodie嘅我喺OpenRice搵餐廳！睇啱左呢間，得到壽星嘅approval就梗係食呢間啦！舖頭位置唔係好多，室內非吧枱只係坐到10個人，好彩我哋有Book咗～泰式金邊粉 $78上環食泰國嘢好少咁平，同埋份量都好足夠，首先要讚嘅係佢炒得唔油，加上酸酸甜甜嘅味道幾fresh～佢好貼心咁將辣椒花生等配料放開一邊，等你自己去調配，但係我太高估自己啦，撈晒全部辣椒落去，最尾食到耳仔有啲痛🥲。有幾隻蝦，爽口唔霉！跟餐 泰式青木瓜沙律 $0青木瓜好爽口，不過沾染咗配料蕃茄嘅草青味。個人口味唔係幾鍾意。加配 泰式奶茶 +$15一定要加！好厚嘅煉奶底、有少量冰、同埋一個熊仔造型嘅茶冰🧸！茶係另上嘅，撈勻左之後味道啱啱好唔會太甜！加配 炸香蕉配椰子雪糕 +$48香蕉出面好似包住咗舊麵包一齊炸咁。食落外脆內腍，幾得意。另外有糖漿可以俾你yarm住嚟食，不過我個人鍾意將個好重椰奶味嘅椰子雪糕放上去香蕉上面食，冰火兩重天，好正。