憶食尚臘味煲仔飯 (已結業)

高級版嘅煲仔飯價錢唔一定係好貴, 今晚黎到呢間煲仔飯專門店, 有自家臘味製造工場, 而且大部份食材都源自自家農場｡  Menu 最後一頁就介紹佢地自家品牌嘅產品清蒸川味臘腸職員介紹, 話呢款臘腸用左豬脊背 & 前腿肉, 以二肥八瘦比例, 再加入野生花椒調味製成｡ 清蒸過嘅川味臘腸, 麻辣香味大大降低, 所以比較易入口, 而且肉味濃郁四季豆干煸雞肶菰以乾鍋煸炒嘅方式煮成, 所以豆干較乾身又爽口, 帶點微辣嘅味道, 令人食指大動香煎鮮腌海鯧魚魚皮煎到脆卜卜,  肉質厚實, 刺骨非常少, 由於用鮮腌方法腌製, 所以魚肉鮮嫩得黎又帶點咸香, 高水準之作籠仔荷葉蒸肉餅飯大大塊梅菜肉餅包喺荷葉入面連飯一齊蒸, 荷葉嘅清香滲入飯中, 肉餅蒸得夠鬆軟, 而且梅菜嘅鹹甜味道適中, 超正御髮膳粥用左蕨麻、黑米、黑芝麻、蓮子、合桃 … 材料煲成, 味道微甜, 而且口感順滑, 而且仲好飽肚檸檬薏米水薏米份量絕不吝嗇, 而且加入左冬瓜, 非常清熱祛濕, 好啱熱辣辣嘅夏天飲