影片
更多
2022-12-31
1008 瀏覽
💁♂️21/12/2022(Wed) Lunch🍽一個平日既中午，A先生🧑🏻要喺大埔處理一d事情，處理完之後都到咗午飯既時間，見附近可以泊到車就嚟試吓都想食好耐既一間cafe。Cafe室內走日式木系既簡約風格，有地下同一樓兩層，店員安排A先生喺地下面對咖啡機既位置用餐。而今日A先生order左：🔆 煙三文魚忌廉扭紋通粉配荷蘭🇳🇱鬆餅（$108）店方自家製既荷蘭🇳🇱鬆餅，面層再放上煙三文魚忌廉扭紋通粉，用個鐵pan上枱。A先生本身就未試過荷蘭鬆餅，見呢個配搭幾特別，於是就叫嚟試吓。煙三文魚忌廉扭紋通粉有煙三文魚、洋蔥🧅等既配料，上面仲有啲炸脆既牛蒡鋪面。通粉唔會煮到好淋，仍然al dente。配料份量都多，忌廉汁比較濃一點，配合荷蘭鬆餅食味道就剛好。荷蘭鬆餅表面有點脆，薄薄地咁，內裏都軟熟有蛋香。就咁食鬆餅都好食，加上一點忌廉汁食就鹹鹹地都唔錯。🔆 Latte☕️（$22 跟餐50% off）可以揀fruity定nutty既豆，A先生就揀咗nutty既，上枱時有朵花既拉花。溫度對辦，唔會太熱入唔到口。Nutty既咖啡入口順滑，奶泡綿滑同挺身，飲到尾仍可以見到個拉花圖案。🔆 Dirty Ti
💁♂️21/12/2022(Wed) Lunch🍽
一個平日既中午，A先生🧑🏻要喺大埔處理一d事情，處理完之後都到咗午飯既時間，見附近可以泊到車就嚟試吓都想食好耐既一間cafe。
Cafe室內走日式木系既簡約風格，有地下同一樓兩層，店員安排A先生喺地下面對咖啡機既位置用餐。而今日A先生order左：
🔆 煙三文魚忌廉扭紋通粉配荷蘭🇳🇱鬆餅（$108）店方自家製既荷蘭🇳🇱鬆餅，面層再放上煙三文魚忌廉扭紋通粉，用個鐵pan上枱。A先生本身就未試過荷蘭鬆餅，見呢個配搭幾特別，於是就叫嚟試吓。煙三文魚忌廉扭紋通粉有煙三文魚、洋蔥🧅等既配料，上面仲有啲炸脆既牛蒡鋪面。通粉唔會煮到好淋，仍然al dente。配料份量都多，忌廉汁比較濃一點，配合荷蘭鬆餅食味道就剛好。荷蘭鬆餅表面有點脆，薄薄地咁，內裏都軟熟有蛋香。就咁食鬆餅都好食，加上一點忌廉汁食就鹹鹹地都唔錯。
🔆 Latte☕️（$22 跟餐50% off）可以揀fruity定nutty既豆，A先生就揀咗nutty既，上枱時有朵花既拉花。溫度對辦，唔會太熱入唔到口。Nutty既咖啡入口順滑，奶泡綿滑同挺身，飲到尾仍可以見到個拉花圖案。
🔆 Dirty Tiramisu（$58）Dirty Tiramisu點既時候選擇咗後上，所以店員都係見A先生食完個荷蘭🇳🇱鬆餅先安排上枱。見到店員準備既時候，係先從雪櫃取出切好既tiramisu，即場淋上奶蓋再灑上可可粉上枱。入口忌廉芝士口感非常軟滑輕盈，芝士味濃郁。中間同底各有一層手指餅，浸過咖啡同酒既手指餅唔會過份濕潤，咖啡味幾特出，酒味唔算太濃，係個唔錯既平衡。由於店方既芝士係比較輕盈，所以就算一個人食晒成件都唔會覺得漏。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
👉🏻 坐得舒服、店員服務都好貼心，揸車🚗既朋友喺餐廳後面都有個錶位停車場，流動性都幾高既，等一等通常都有位泊。
🔆🔆🔆🔆🔆🔆🔆🔆🔆🔆🔆🔆🔆
餐廳🍽: BOUNDLESS by REACTION
地址🌐: 大埔汀角路15號地下C號舖
電話☎️: 2365 1888
✍📸Text ＆ Photos by 為食妙妙&A先生
🔆🔆🔆🔆🔆🔆🔆🔆🔆🔆🔆🔆🔆
張貼
