影片
更多
2021-07-01
74 瀏覽
串燒配Sake真係人生一大樂事😛餐廳近期有推廣優惠，可以無限任飲，好岩酒鬼嘅你！即使疫情下無得去日本，餐廳入面猶如置身日本居酒屋嘅裝飾，絕對可以止止渴☺️加上佢地嘅串燒整得好入味，價錢十分平民，值得快啲約埋朋友去試試Free Flow 任飲無限時大放送 $168 每位俾$168蚊就可以無限任飲紅酒、白酒、清酒、氣酒同雞尾酒，今次我就主要飲日本酒，佢有24款可供選擇，我試左差不多10款以上🤣好抵呀！每款酒上枱時都好冰凍，其中特別想分享以下4款，適合不同喜好嘅人獺祭 四割五分 純米大吟釀「獺祭」清酒相信對香港人唔陌生，呢款四割五分係最基本款，口感清澈柔和，好容易入口，口腔內會微微品嘗到米香味，少飲酒嘅人都唔會覺得好咽喉👍鶯宿梅 梅酒 呢款梅酒味酸味好濃，梅味稍重，飲落口感清爽，因為略帶甜酸味，適合當開胃酒蝶矢 黑糖梅酒又名Choya 黑糖梅酒，比起上面個款飲落更酸更甜，加入左濃厚嘅黑糖，味道偏甜，但口感相對普通司牡丹 柚子酒相對其他，呢款酒精濃度較低，柚子果味香濃，略帶柚子酸，大大掩蓋左酒精嘅味道，只是落到喉嚨時，慢慢品嘗先會飲到微微嘅酒味，適合女生小酌獨飲風味焗蠔四食 $99 四種口味，包
Free Flow 任飲無限時大放送 $168
每位俾$168蚊就可以無限任飲紅酒、白酒、清酒、氣酒同雞尾酒，今次我就主要飲日本酒，佢有24款可供選擇，我試左差不多10款以上🤣好抵呀！每款酒上枱時都好冰凍，其中特別想分享以下4款，適合不同喜好嘅人
獺祭 四割五分 純米大吟釀
「獺祭」清酒相信對香港人唔陌生，呢款四割五分係最基本款，口感清澈柔和，好容易入口，口腔內會微微品嘗到米香味，少飲酒嘅人都唔會覺得好咽喉👍
鶯宿梅 梅酒
呢款梅酒味酸味好濃，梅味稍重，飲落口感清爽，因為略帶甜酸味，適合當開胃酒
蝶矢 黑糖梅酒
又名Choya 黑糖梅酒，比起上面個款飲落更酸更甜，加入左濃厚嘅黑糖，味道偏甜，但口感相對普通
司牡丹 柚子酒
相對其他，呢款酒精濃度較低，柚子果味香濃，略帶柚子酸，大大掩蓋左酒精嘅味道，只是落到喉嚨時，慢慢品嘗先會飲到微微嘅酒味，適合女生小酌獨飲
風味焗蠔四食 $99
四種口味，包括柚子醬、黑松露醬、明太子醬及蒜蓉，睇名已經吸引，食落更吸引！每款都有滿滿嘅醬，焗完出黎好入味好香濃
燒自家製滷水大腸 $28
好香好爽脆，食落滷水味濃厚
燒豬頸肉 $22
惹味得黎帶點焦香味，肉質爽口彈牙
.
燒雞脾肉 $12
食落啖啖肉，但肉質略為韌身
.
燒雞軟骨 $12
醬汁濃香，外表睇落呈金黃色，食落香脆又有嚼勁
.
鹽燒雞翼 $18
日式風味十足嘅雞翼，即使鹽味好出，食落都唔會好咸，岩岩好
燒日本和牛粒 $38
睇落偏乾身，但食落肉質完全唔鞋
.
蒜蓉金菇 $28
蒜香味濃烈，但油量偏多，食落有點油膩
.
燒菠蘿 $22
菠蘿好鮮甜，仲帶有微微焦香味，十分吸引
.
牛油燒粟米 $22
粟米同樣鮮甜，雖然上枱唔夠熱，但食落十分香甜惹味
.
孜然蒜蓉茄子 $38
茄子份量多，整得好淋好入味，但調味粉偏辣
壽喜燒野菜豚肉鍋 $78
呢個鍋相對清淡，豚肉口感算彈牙，但不太入味，反而煲底嘅蔬菜菇類嘅鮮甜味更出
張貼
