小漁村烤魚火鍋 (已結業)

旺角~小漁村烤魚火鍋～無限時烤魚火鍋，仲有BBQ海鮮拼盤，好豐富呀。烤魚前既海鮮拼盤好有風味，有紅扇貝、 小鮑魚、蝦、美貝、生蠔，雖然唔係任食，但個份量都好夠好滿足。拼盤入面個天婦羅南瓜都好好食，外脆內軟。我真係第一次食烤魚都可以任食。烤魚有3款魚揀，江團/清江/海鱸魚，揀左江團魚🐟，肥嘟嘟滑捋捋，肉質幾彈口，唔會煎得太勁。揀左金湯酸菜，酸辣度適中，好惹味。食完魚再加湯打邊爐，記住出個post & tag，有得任食多一款牛，呢個牛頸脊好好味呀。出面自助有野任，仲有啤酒，仲有十幾款邊爐食材。甜品仲有黑糖糍粑，熱辣辣，流心黑糖🤤， 仲有煉奶炸饅頭。👍呢餐呢個價錢真係超抵。😍