小漁村烤魚火鍋 (已結業)

走入咗這家餐廳，第一印象就係：「哇，好有feel呀！」內裏佈置得舒服又悠閒，令人一入去就放鬆晒。🍽️🎈我一坐低就即刻奔向海鮮拼盤，各種鮮味海産擺盤咗出嚟，生蠔、扇貝、天婦羅同鮑魚，每一樣都新鮮，每一款都係百試百靈！特別係蒜蓉味，勁香濃郁，一啖落肚，即刻覺得今日嚟得值！緊接住果個烤魚真係正到無話可說，鮮青椒配搭得咁完美，啖啖肉，啖啖鮮，食落去嘅感覺就似開心果裏面嗰粒珍珠一樣彈牙。🐟餐廳仲提供得好貼心嘅QR code落單服務，加上有得喺bar區自己搵嘢食，我飲咗杯果汁汽水，免費任飲咋，清涼夠晒勁，解渴之餘，清新果香仲係回味無窮。總括黎講，我今次嘅食評體驗簡直係超級驚喜！好食、質量高，又有啲咁teen嘅服務，真係五星級推介！下次只想快啲再嚟過！🌟🌟🌟🌟🌟…查看更多

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯假期嘅時候有啲想食烤魚，就到達旺角《小漁村烤魚火鍋》。成日都以為食烤魚要好多人先食到，因為出面午市一條魚都要幾百蚊，多幾個人share先得。今次依家午市主打一人烤魚，仲可以每人唔同口味，咁就唔怕有啲人食辣有啲又唔食，大家都可以食到自己鍾意嘅口味。金湯酸菜烤魚 $78見到烤魚入邊有滿滿嘅酸菜，就知道我冇揀錯。佢哋用咗江團魚做烤魚，出咗名冇乜魚骨，好方便我依啲懶人食用。烤魚連外皮先煎香，然後酸辣味滲哂去魚肉入邊，好邪惡啊。蒜爆豆豉烤魚 $78因為有朋友唔食辣，所以就叫咗依款。同樣用咗江團魚，面頭放滿炸蒜、豆豉和生蒜，遠遠地聞到已經好香。鮮嫩嘅魚肉同香濃嘅炸蒜簡直係融為一體，令人食過停唔到口。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯小漁村烤魚火鍋 (旺角)旺角彌敦道726號19樓 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯#…查看更多

昨天10 度肥龍女朋友極力介紹食旺角呢間烤魚，完全不惦，又少款式海鮮拼盤D 野凍既 問D 服務員D牛肉要社交平台 like 佢地先可以任食like 完之後….服務員態度好似吾係好想比你甘，魚就任食第一條魚完全冇味，第二鹹過鹹魚，D 位又迫，食物不是新鮮，老實我未食過一間甘難食既烤魚，沒有下次，出了門口立即取消社交平台 like :(好彩251一位，就當跌咗…查看更多

聽朋友講旺角開咗一間新嘅舖頭，人均二百幾蚊就可以任食海鮮再加打邊爐，性價比超高！ 一於要過嚟試一試先😋😋😋先食個海鮮拼盤，有好豐富嘅材料，成個拼盤我哋四個人都食唔晒，有鮮蝦，鮑魚，生蠔，全部都已經熟晒，中間嘅麵都好入味！呢個好正🥰🥰🥰然後就可以任叫烤魚，佢有好多種唔同嘅味道㗎，全部都可以任叫😱😱😱😱😱 性價比太高喇😨 令人難以自信，不過我哋幾個女仔梗係要留返個胃再食打邊爐，所以我哋就叫咗一條香蒜豆豉烤魚，分量十足👍打邊爐嘅配料都好豐富，有好多牛肉等等，餐廳仲有一個自助區可以隨意拎嘢食，最鍾意食佢呢個響鈴，脆卜卜，放入啲汁度完全吸收，超正！呢間餐廳性價比爆燈！ 超抵食，好彩我哋係5:30最早嗰轉去，坐低唔使半個鐘已經爆曬場！ 咁抵食啱晒我😋😋😋😋😋…查看更多

一開頭等左大半個鐘先上個海鮮拼盤，仲要係唔熱嘅🙂蝦唔新鮮、帶子同蠔都係得大量蒜味、得蜆肉正常少少、個麵係堅係冷麵，又淋晒。再黎第一條鱸魚煲，魚肉又鞋又硬，重慶湯越煲越咸。第二條青江魚煲還好，有啲味，青椒湯都係咸，但係無咁咸。食完全場發覺最好味嘅都係萵筍，完。無下次順帶一提，啲後生仔好似全部都未訓醒咁。…查看更多

網上見有一人烤魚餐都係$78起，價錢咁貼地，就同鍾意食魚嘅朋友黎試下。位置在726的19樓，估唔到星期日晏晝都唔使排隊等𨋢喎。店內客人不多，店員示意隨便坐，好快就送上餐牌同餐具👍⭐重慶豆花烤魚自己點左重慶口味，要小辣，上枱時辣椒不誇張，我見另一枱要大辣，係成盤都堆滿辣椒㗎🌶️⭐蒜爆豆豉烤魚朋友的豆豉口味，呢款係唔辣嘅，望落連油都少啲😆店員話魚有鱸魚同江團魚選擇，揀左後者，貪呢款魚滑啲嘛😋魚肉肥美鮮味，一人一條唔使爭。個人愛辣，我覺得重慶口味幾正，小辣又帶小小麻，香口惹味。朋友就話佢款豆豉好味，豆豉加炸蒜鹹香鮮味，食到汁都飲晒😆兩款口味都有豆腐、豆皮、大豆芽、土豆片同蘿蔔片做配菜，幾豐富吖。⭐冬瓜益力多梳打 & 藍柑橘梳打飲品免費有汽水，樽裝茶加$6，特飲加$9，咁好似特飲抵啲喎，樽裝茶成日飲啦，特飲又靚啲就叫佢啦。原色同攪混左都靚😆冬瓜益力多意外地夾，甜甜酸酸幾好味。藍柑橘就係一杯甜味梳打，無乜特別，勝在顏色好睇👍人均消費唔使一百蚊，幾抵食吖。…查看更多

爸爸係海鮮迷,見到呢間可以食烤魚又有海鮮拼盤又有任食放題火鍋，一於黎試下! 首先職員會先上大大份的海鮮拼盤，包括有扇貝、海蝦、生蠔、鮑魚。爸爸最鍾意就係滿滿蒜蓉的生蠔，我就鍾意鮮甜的扇貝多點喇，而中間的冷麵就一般，我都係鍾意熱食多啲，最後試埋個炸蕃薯片，好味😋 再用QR Code落單叫左個烤魚，共有四隻味同三隻魚比你揀，我地就揀咗蒜爆豆豉江團魚，的確係啖啖肉又入味。 估唔到任食都幾多野食，有多款蔬菜丸類，仲可以用手機落單。食完烤魚就叫左牛肉、羊肉片、豬肉同餃子食，而出面仲自助bar有十幾款邊爐食材任食，啤酒同飲品同飲品都係任飲架。 甜品有黑糖糍粑同煉奶炸饅頭，兩樣都好好味👍 …查看更多

旺角~小漁村烤魚火鍋～無限時烤魚火鍋，仲有BBQ海鮮拼盤，好豐富呀。烤魚前既海鮮拼盤好有風味，有紅扇貝、 小鮑魚、蝦、美貝、生蠔，雖然唔係任食，但個份量都好夠好滿足。拼盤入面個天婦羅南瓜都好好食，外脆內軟。我真係第一次食烤魚都可以任食。烤魚有3款魚揀，江團/清江/海鱸魚，揀左江團魚🐟，肥嘟嘟滑捋捋，肉質幾彈口，唔會煎得太勁。揀左金湯酸菜，酸辣度適中，好惹味。食完魚再加湯打邊爐，記住出個post & tag，有得任食多一款牛，呢個牛頸脊好好味呀。出面自助有野任，仲有啤酒，仲有十幾款邊爐食材。甜品仲有黑糖糍粑，熱辣辣，流心黑糖🤤， 仲有煉奶炸饅頭。👍呢餐呢個價錢真係超抵。😍…查看更多

係香港食烤魚多數都係單點，今次黎食一間可以任食烤魚既餐廳🍴食完烤魚仲可以加湯打邊爐🍲性價比高！ 佢個餐仲包左個海鮮拼盤，份量多有好多款海鮮，包串蝦、蜆、蠔、鮑魚，自己最鐘意蜆肉，大大粒清甜冇沙，調味餐廳用左蒜幾惹味，中間仲放左啲好入味既麵同薯仔🥔入味又好食 烤魚試左兩款味，金湯酸菜同麻辣各有特色，但好好味🤤湯底濃，魚大大條夠厚肉，重點係冇咩骨幾好食 之後用番同一個鍋加湯打邊爐🍲估唔到任食都幾多野食，有多款蔬菜丸類，仲可以用手機落牛肉，水準都好高唔似係平時cheap cheap放題果種 野飲拎左啲冷泡茶，清新解膩…查看更多

🔹性比價超高既午市一人烤魚套餐🔹有無人同我一樣係烤魚fans，但係如果約唔到人陪你一起食，又或者約到人同你一起食但佢想食青椒你想食麻辣口味，依家d烤魚雖然發明到鴛鴦口味，但係我搵到間一人烤魚的餐廳，自己一個食又得，同fd一起食叫唔同口味都得😋😋😋我叫左個麻辣豆花烤魚，見到紅彤彤就覺得流曬口水，麻辣味越煮越濃郁，但係唔係死辣，越食越過癮❤️‍🔥 最正係佢d魚肉超級嫩滑，煮得耐都唔會覺得唔好食😚😚 超級有水準❣️朋友叫左個酸菜口味，酸酸辣辣，非常開胃，而且朋友都話d魚肉好嫩滑，加上價錢相宜，呢間烤魚性價比真係超水準💞💞如果係旺角絕對要去試下🥰🥰…查看更多

網上面成日睇到呢間新舖頭超多人談論，因為一個價錢放題已經可以任食海鮮再加火鍋，就咁講都令人難以自信，咁作為海鮮迷既我，梗係要去試吓啦😆😆😆先食過海鮮拼盤，超大份😱😨😨😨😨😂 仲要係勁好味㗎喎！ 有生蠔扇貝，海鮮蝦，仲要有鮑魚添😱😱😱 同埋我係勁鍾意食蒜蓉，呢個海鮮拼盤係熟食嚟嘅，生蠔鋪滿晒蒜蓉啱晒我😍跟住我哋再叫咗個金湯酸菜烤魚，超好味，揀咗江團魚，超肥美，肉身結實淡淡肉，正！ 上面仲有勁多酸菜，撈埋啲腐皮食超入味👍👍👍其實我覺得食完呢個海鮮拼盤再加烤魚我哋已經係抵到爛，點知佢呢度其實係可以再打邊爐，超抵😍😍😍😍😍 打卡仲可以送牛頸脊任食😍😍😍😍😍 啲牛牛仲要係勁靚，牛理分明，好香牛味😆😆😆😆 同埋佢啲嘢飲都係任飲㗎😍😍😍😍😍唔怪得知網上面咁多人談論佢哋，呢間有料到👍👍👍…查看更多

一直都唔記得咗評論🙈咁啱同男朋友紀念日，所以如果過嚟試吓坐低就放咗海蜇，超級好味！其次，真係不得不讚賞一下個海鮮拼盤款式多。其次睇落去好盛大。本人仍然有機會嘅話會同多啲人一齊嚟食畢竟兩個人食，真係好快飽…查看更多

前排同朋友慶祝生日，今次搵左間烤魚放題店，佢地晚市都有優惠，19:30前結帳離座全單8折，會再抵食啲一坐底就會有個海鮮拼盤，大大盤打卡一流🤓留意番呢盤唔係任食，不過海鮮份量好多，種類有串蝦、鮑魚、扇貝、生蠔、蜆等等，自己最鐘意生蠔🦪好大隻又冇腥味，串蝦食起上黎好方便，爽口彈牙好好食之後可以食烤魚，今次揀左金湯酸菜烤魚，烤魚佢地係任食，湯底幾濃魚肉都好滑，食完魚之後可以用番個湯打邊爐，叫左啲肥牛吸曬啲湯汁好好味😋值得一試…查看更多

朋友想吃烤魚，找找看發現，在旺角有一間任飲任食無限時放題烤魚，名叫小漁村就去試一試，當晚去到不是太多人，環境寬敞，但員工太少，就坐下冇人理會，等了一會，才拿一個指定海鮮拼盤來，因為是放題形式，外面可自取飲品，蔬菜同丸類，而烤魚同肉類是用手機下單，我們也點了重慶豆腐烤魚小辣，味道幾好，如果要吃牛頸脊，要讚好社交平台同分享才可以任食，然後再追加了青椒烤魚小辣，吃了2條烤魚加配料已經飽飽了，下次再試試其它口味。…查看更多

想食辣野．但身邊親友又食唔到辣搵到旺角呢間主打烤魚火鍋嘅餐廳午市時段一個人都可以都享受💥一人烤魚午市套餐 $78超抵食平時街市買條魚都要幾十蚊啦餐廳環境乾淨舒適✨重慶豆花烤魚揀咗江團魚．魚肉爽彈又肥美就算滾得耐，肉質都一樣好滑溜揀咗重慶豆花湯底明火滾住熱辣辣麻同辣度仲可以按自己接受程度挑選揀咗小麻小辣已經非常惹味仲有大量配菜．薯仔片．大豆芽菜．豆腐送飯真係好正✨碟豆花荔枝梳打碟豆花用來沖調飲品嘅色澤真係好靚加入荔枝果味．解渴又解辣一定要嚟多幾次試哂唔同湯底…查看更多