影片
更多
2024-09-09
586 瀏覽
無食火鍋一排，條火鍋癮又起喇！ 呢次就同男友去咗元朗世宙嗰頭，因為喺網上見到呢間火鍋好抵食，佢做緊個快閃優惠係二人同行一人半價($278皇牌套餐同$308澳洲和牛套餐都係)。而且佢係無限時嘅放題，可以慢慢嚟，傾下計又食下，唔洗急急腳咁食。加上只要喺佢社交平台cls就送免費蒸海鮮一份(訂枱嘅時候講定就最穩陣啦！)。 🧡澳洲和牛套餐（$308/位）個套餐先由雞煲開始，雞煲個醬汁微辣幾開胃，雞肉嫩滑多肉，雞煲入面仲有豆卜、芫荽同埋洋蔥，整體味道都幾豐富！ 食完雞煲之後就上送嘅蒸海鮮一籠，入面有鮑魚、扇貝、帶子、生蠔同海蝦，蒸約7分配就食得，全部都幾新鮮，唔錯！ 食完雞煲同蒸海鮮後，就開始打邊爐。店員安排好豬骨湯外，亦都準備好套餐嘅主菜，包括牛胸爽、牛肩胛、澳洲M4/M5和牛、頂級牛肉同保濕豬豚肉各一碟。牛肉嘅品質都好唔錯，牛味濃，肉香又嫩口，相當不錯！除咗肉食外，自助區亦有大量火鍋配料，包括各式丸、餃、蔬菜、魷魚、鯇魚片等等都有齊，非常豐富！ 飲品方面除咗牌子罐裝飲品外，仲有自家製夏枯草同冰糖燉雪耳，個人大推冰糖燉雪耳，滋潤得嚟又唔會太甜！ 甜品方面，款式都唔少，除咗有雪糕外，仲有自家製木糠
呢次就同男友去咗元朗世宙嗰頭，因為喺網上見到呢間火鍋好抵食，佢做緊個快閃優惠係二人同行一人半價($278皇牌套餐同$308澳洲和牛套餐都係)。而且佢係無限時嘅放題，可以慢慢嚟，傾下計又食下，唔洗急急腳咁食。加上只要喺佢社交平台cls就送免費蒸海鮮一份(訂枱嘅時候講定就最穩陣啦！)。
🧡澳洲和牛套餐（$308/位）
個套餐先由雞煲開始，雞煲個醬汁微辣幾開胃，雞肉嫩滑多肉，雞煲入面仲有豆卜、芫荽同埋洋蔥，整體味道都幾豐富！
食完雞煲之後就上送嘅蒸海鮮一籠，入面有鮑魚、扇貝、帶子、生蠔同海蝦，蒸約7分配就食得，全部都幾新鮮，唔錯！
食完雞煲同蒸海鮮後，就開始打邊爐。
店員安排好豬骨湯外，亦都準備好套餐嘅主菜，包括牛胸爽、牛肩胛、澳洲M4/M5和牛、頂級牛肉同保濕豬豚肉各一碟。牛肉嘅品質都好唔錯，牛味濃，肉香又嫩口，相當不錯！
除咗肉食外，自助區亦有大量火鍋配料，包括各式丸、餃、蔬菜、魷魚、鯇魚片等等都有齊，非常豐富！
飲品方面除咗牌子罐裝飲品外，仲有自家製夏枯草同冰糖燉雪耳，個人大推冰糖燉雪耳，滋潤得嚟又唔會太甜！
甜品方面，款式都唔少，除咗有雪糕外，仲有自家製木糠布甸、豆腐花、啫喱杯等，夠哂誠意！
Btw，呢間餐廳星期日至四 110cm以下小童免費，如果兩公婆帶埋細路嚟真係好抵下！
張貼
