AnyMomentCafé

營業中

休息中

而家香港好多餐廳都會有限時 所以想同朋友傾耐啲偈 樓上Cafe係一個好好嘅選擇 今次就去咗呢間係登打士街嘅樓上Cafe 環境同嘢食都唔錯🤤地中海香蒜雞柳螺絲粉原本以為係好西式嘅煮法 但係點知呢個好有中式嘅感覺 有蒜頭爆香嘅雞柳 好特別 好惹味🤩卡邦尼煙三文魚意粉呢個卡邦尼意粉就好Creamy 佢個份量就適合女仔食多啲 不過如果想要多啲都可以加少少錢要求佢多啲份量👍🏻芝士薯條佢個芝士薯條 條條都好大條😍仲要個醬係芝士再加蜜糖芥茉醬好好味 我同個friend食唔停口啊🥰鹹檸七同潤喉茶🥤☕️飲品方面 我哋一個就嗌咗鹹檸七 一個就叫咗潤喉茶 老闆話鹹檸七粒檸檬都係佢自己醃㗎😆七喜就比罐裝七喜 潤喉茶入邊就有雪梨乾等等嘅材料 好甜好好味🤤個老闆都好親民 入邊有好多board game我同我朋友都唔識玩 老闆都會出嚟教我哋玩 餐廳嘅位置唔係好多 如果真係有興趣嘅朋友記得要電話預約啊！🤪