影片
更多
2024-07-26
210 瀏覽
知道哩間餐廳好耐，但我唔係食得辣嘅人，基本上都唔會去😬有一日朋友極力慫恿我去試，話唔會好辣，又可以揀辣度，一定食到，就俾次機會佢去試下。酸菜魚 ($268)份量同一般嘅酸菜魚差唔多，配料有芽菜、金菇、萵筍、酸菜。魚肉切到薄薄，無骨，岩哂我哩啲懶人😛辣度揀咗小辣，我哋有飲品送口，哩個辣度仲勉強食到。水煮牛肩肉 ($268)同酸菜魚一樣揀小辣，但一上菜，已經心知不妙。望落去已經見到好辣，即刻加兩個白飯。哩個真心辣🙈，食到中段開始食到辣椒嘅苦味，越食越辣，放棄咗。味道其實係唔錯，牛肉好淋，辣得黎好惹味。但我真係唔係一個食辣人，搞唔掂。特大檸檬茶 ($38)餐廳出哩個特大杯真係好岩🍹🙈食辣嘢一流，一路食一路解辣。味道又唔係好甜，價錢亦唔貴，抵飲。食完哩次，我同朋友講，第時食辣唔好預我🙈其實兩個主食都好惹味，又唔係太咸，只係純粹覺得太辣。相信食得辣嘅人會好鍾意。
有一日朋友極力慫恿我去試，話唔會好辣，又可以揀辣度，一定食到，就俾次機會佢去試下。
酸菜魚 ($268)
份量同一般嘅酸菜魚差唔多，配料有芽菜、金菇、萵筍、酸菜。
魚肉切到薄薄，無骨，岩哂我哩啲懶人😛
辣度揀咗小辣，我哋有飲品送口，哩個辣度仲勉強食到。
水煮牛肩肉 ($268)
同酸菜魚一樣揀小辣，但一上菜，已經心知不妙。
望落去已經見到好辣，即刻加兩個白飯。
哩個真心辣🙈，食到中段開始食到辣椒嘅苦味，越食越辣，放棄咗。
味道其實係唔錯，牛肉好淋，辣得黎好惹味。
但我真係唔係一個食辣人，搞唔掂。
特大檸檬茶 ($38)
餐廳出哩個特大杯真係好岩🍹🙈
食辣嘢一流，一路食一路解辣。
味道又唔係好甜，價錢亦唔貴，抵飲。
食完哩次，我同朋友講，第時食辣唔好預我🙈
其實兩個主食都好惹味，又唔係太咸，只係純粹覺得太辣。
相信食得辣嘅人會好鍾意。
張貼
