影片
更多
2018-05-02
1595 瀏覽
每次行完花墟經過都會見到呢間餐廳，見到門面裝飾得好特別，好有80年代嘅感覺，見到門口擺咗好多糕點，我估入面係食糖水為主嘅。。。不過每次行過都冇入去食。今日咁啱經過花墟買花，又落住雨喎，行過呢度又好想食啲甜野，就入咗去食啦🤪🤪果然冇估錯呢度好多糖水嘅選擇仲要全部都係中式嘅有我最鍾意食嘅桑寄生蓮子蛋茶，又有蛋白杏仁茶，我同朋友即刻嗌左呢兩款食住先🤤🤤🤤桑寄生蓮子蛋茶隻蛋好入色呀，不過嗌入去就冇乜味既，只要碗蛋白杏仁茶好好味呀好濃郁嘅杏仁底，食得出係即磨嘅杏仁，唔係用粉沖出嚟嘅。。。食完個甜品又覺得有啲肚餓，於是就打開個Menu睇吓有咩食啦，我哋嗌咗個牛展麵同菜，我想講呢碗牛展面真係好有驚喜，首先梗係要飲埋啖湯，完全冇味精同埋勁重果皮味，淨係飲碗湯都抵晒，真心無味精，然後佢啲面好爽，一啲鹼水味都冇，仲有，佢啲牛展唔係好似平時一塊塊咁，而係好似沙嗲牛肉嗰啲牛肉既切法，呢度啲牛肉真係好新鮮🤫🤤🤤🤤
張貼
