影片
更多
2017-05-02
1483 瀏覽
自從七八年前首次發現巴希亞之後，喺嗰一年內嚟咗都有四五次，皆因由細到大都只係燒過港式串燒，當年自助重慶燒係一件好新嘅事物，大家都走埋去個爐度扮小販，再加上佢又真係好味兼款多，所以就對巴希亞咁瘋狂。不過時移世易，對上一次嚟要數幾年前喇，呢幾年嚟遇過咁多好西，睇下今次嚟會唔會改變對佢美好嘅回憶先。一入門口見到服務台嘅呢一個泰式小屋，即刻令我心情輕鬆，好似去咗泰國度假一樣。所有凍肉都放喺雪櫃入面，井井有條一串串咁樣排列好任君選擇，既方便又衛生。最估佢唔到嘅係餐前嘅小食竟然有拍青瓜同埋涼拌皮蛋，青瓜清甜爽脆，同皮蛋嘅四川風味好夾，不經不覺俾佢開哂個胃，正好迎接一陣嘅美食。燒豬頸肉，醃得好入味，肥瘦嘅比例啱啱好，淨係搽少少蜜糖同埋孜然粉已經無敵。牛舌本身夠哂肥美，燒嘅時候見啲油一滴滴咁滴落啲炭度咋咋聲，伴隨而嚟嘅係極香嘅牛味同埋碳烤味，急不及待擺一舊入口，油脂喺口入面傾刻爆發，如果火候掌握得好嘅話，燒到佢外邊焦脆，口感更好。燒茄子，將茄子對半切開，再喺上面灑上適量嘅孜然粉同埋椒鹽，等到茄子嘅肉燒到軟淋淋就食得，第一啖都經已覺得味道相當對辦，如果喺個金菇度攞少少蒜蓉撈埋啲茄子嚟一齊食，味道完全同出
一入門口見到服務台嘅呢一個泰式小屋，即刻令我心情輕鬆，好似去咗泰國度假一樣。
所有凍肉都放喺雪櫃入面，井井有條一串串咁樣排列好任君選擇，既方便又衛生。
最估佢唔到嘅係餐前嘅小食竟然有拍青瓜同埋涼拌皮蛋，青瓜清甜爽脆，同皮蛋嘅四川風味好夾，不經不覺俾佢開哂個胃，正好迎接一陣嘅美食。
燒豬頸肉，醃得好入味，肥瘦嘅比例啱啱好，淨係搽少少蜜糖同埋孜然粉已經無敵。
牛舌本身夠哂肥美，燒嘅時候見啲油一滴滴咁滴落啲炭度咋咋聲，伴隨而嚟嘅係極香嘅牛味同埋碳烤味，急不及待擺一舊入口，油脂喺口入面傾刻爆發，如果火候掌握得好嘅話，燒到佢外邊焦脆，口感更好。
燒茄子，將茄子對半切開，再喺上面灑上適量嘅孜然粉同埋椒鹽，等到茄子嘅肉燒到軟淋淋就食得，第一啖都經已覺得味道相當對辦，如果喺個金菇度攞少少蒜蓉撈埋啲茄子嚟一齊食，味道完全同出面串燒舖到收你幾十蚊一隻嘅茄子一模一樣，真係連食茄子都可以返到本啊。
燒雞翼，講到燒烤，呢個我自細鍾意食嘅又點少得啊，淨係燒雞翼都有好幾隻味道揀，雞翼外皮鬆脆，肉汁豐富，醃料嘅味道深入哂喺深層嘅雞肉裏面，絕對唔會好似出面啲雞翼咁得浸皮有味，的確好極，飲勝。
清酒煮蜆，啲蜆夠哂新鮮，隻隻都脹卜卜，索哂陣清酒味，啖啖都香噴噴，份量又夠哂多，太好味掛住食食到一半嘅時候先記得影相。
燒菠蘿，菠蘿屬於揀手靚貨，極度香甜多汁，可惜需要配合。
燒香蕉，其實燒香蕉同燒茄子嘅原理差唔多，都係將入面啲肉燒到軟淋淋，燒好之後就可以拎去俾姐姐加工，姐姐會將條蕉切開半塊皮然後再一碌碌咁切開，最後再喺面頭唧上朱古力醬咁就完成佢嘅工作，不過幫手切蕉嘅姐姐都非常風趣幽默，我好心提佢條蕉好熱要小心，佢就叫我可以等條蕉凍咗先至拎嚟加麻，我當堂笑到收唔到聲。
另外呢度竟然有好少燒烤場有得燒嘅銀杏，令在座嘅銀杏愛好者眉飛色舞。
原來事隔多年呢度嘅質素仲保持得咁好不特止，仲好似有所提升添，下次一大班人燒嘢食又多一個選擇喇。
張貼
