Greyhound Café (海運大廈)

營業中

休息中

今日又是素食日，食得多中式素食都想轉下口味，朋友介紹試下尖沙咀呢間連鎖泰菜店，都有無肉餐廳。餐廳環境寬敞舒適，幾適合坐低慢慢食。先點了杯泰式奶茶，店員記得幫我哋走飲管，抵讚👍🏻我們3人點了磨菇奄列，粟米餅，炒金邊粉及2件千層蛋糕。磨菇奄列真係好有驚喜，做法類似烘蛋，好有蛋香，而且餡料豐富啖啖都食到磨菇。粟米餅，配搭甜酸醬，味道香甜，口感軟淋，感覺唔太熱氣。炒河粉粉，河粉是闊身嘅，配料有芥蘭，豆腐等，食落幾有鑊氣。最後點了這裡的招牌甜品，椰子千層蛋糕及粟子千層蛋糕，果然無令我哋失望！尤其是椰子千層，食落啖啖椰子肉，好清新唔會太甜。