影片
更多
2022-06-09
68 瀏覽
終於完sem可以去食好嘢！今次一次過滿足3個願望，剌身+雞煲+海鮮火鍋放題，任食2.5小時(●'◡'●)ﾉ $398/位(19:00-21:00入座).🥣 燉湯入座後會先送上燉湯，味道清甜，唔會有味精嘅感覺。.🥟 廚師推介小食炸水餃大大隻，外皮酥脆餡料豐富。.🐥 芝士雞煲任食勁多芝士，上枱已經聞到好香芝士味，雞肉用洋蔥爆香過，肉質嫩滑香口，加埋拉絲芝士，濃郁惹味！任食雞煲除咗芝士亦可以揀麻辣口味。.🦞 超級海鮮盒+火鍋任食食完雞煲就會上火鍋湯底及每人一客海鮮盒。湯底有幾款選擇，揀咗芫茜+麻辣，湯入面仲有隻龍蝦頭，更加鮮味。海鮮盒相當高質，有龍蝦、南非鮑魚、扇貝、虎蝦及膏蟹，全部都好新鮮，厚肉有彈性，龍蝦同膏蟹算多膏，鮮味十足！任食海鮮有鮑魚、蟶子、蝦蟹、斑片、花甲、生蠔等等，肉質亦新鮮，推介鮑魚彈牙，蟶子爽滑。其他任食火鍋配料都算多選擇，有肉類內臟、手打墨魚滑蝦滑、蔬菜素食、丸類餃類等等。因為主攻海鮮，所以唔係試咗好多款，其中鮮滑牛、豬腰及紫菜響鈴都相當不錯。.🐟 剌身升級孖寶A +$688本身有送剌身拼盆，想食豐盛啲就加錢升級。時令剌身共8款，鮮活有光澤，份量亦足，如果有冰鎮住就更好
.
🥣 燉湯
入座後會先送上燉湯，味道清甜，唔會有味精嘅感覺。
.
🥟 廚師推介小食
炸水餃大大隻，外皮酥脆餡料豐富。
.
🐥 芝士雞煲任食
勁多芝士，上枱已經聞到好香芝士味，雞肉用洋蔥爆香過，肉質嫩滑香口，加埋拉絲芝士，濃郁惹味！任食雞煲除咗芝士亦可以揀麻辣口味。
.
🦞 超級海鮮盒+火鍋任食
食完雞煲就會上火鍋湯底及每人一客海鮮盒。湯底有幾款選擇，揀咗芫茜+麻辣，湯入面仲有隻龍蝦頭，更加鮮味。海鮮盒相當高質，有龍蝦、南非鮑魚、扇貝、虎蝦及膏蟹，全部都好新鮮，厚肉有彈性，龍蝦同膏蟹算多膏，鮮味十足！
任食海鮮有鮑魚、蟶子、蝦蟹、斑片、花甲、生蠔等等，肉質亦新鮮，推介鮑魚彈牙，蟶子爽滑。
其他任食火鍋配料都算多選擇，有肉類內臟、手打墨魚滑蝦滑、蔬菜素食、丸類餃類等等。因為主攻海鮮，所以唔係試咗好多款，其中鮮滑牛、豬腰及紫菜響鈴都相當不錯。
.
🐟 剌身升級孖寶A +$688本身有送剌身拼盆，想食豐盛啲就加錢升級。時令剌身共8款，鮮活有光澤，份量亦足，如果有冰鎮住就更好！象拔蚌鮮甜爽脆，劍魚腩三文魚腩肥美鮮嫩。
.
🧃+$20任飲紙包或罐裝飲品
.
總括而言：食物質素整體唔錯，海鮮新鮮之餘亦處理得好乾淨，不過上菜唔算太快，有少少漏單。2個半鐘頭要食晒剌身+雞煲+海鮮火鍋真係有啲趕但就好滿足！
張貼
