影片
更多
2018-02-12
883 瀏覽
一年一度既Christmas Buffet Lunch最後揀左去一間開左唔係好耐既酒店食，呢度擁有超級無敵大海景，環境闊落又光猛，連帶心情都好開朗。估唔到過左Christmas，平日價錢都要$388+10% service charge, total $426.8，平日lunch黎講都幾貴，好彩俾我喺facebook見到佢網上book位有8折，即刻覺得抵左。講返食物先︰1) 一入門口左手邊有麵包、火腿、芝士等等，啲麵包擺得好靚，靚到我唔捨得食; 2) 右手邊就有一個整韓國部隊鍋或石頭鍋飯既地方，仲可以自己揀配料 (有泡菜、蛋、芝士、午餐肉等等)，我食過咁多次自助餐，都係第一次見有部隊鍋或石頭鍋飯食，好特別，有新意，如果你覺得會好飽，你可以要求廚師幫你整一半份量; 3) 海鮮區：有凍蝦、凍蟹、蜆等 (好失望，無長腳蟹同生蠔提供)，淨係食左凍蝦同蜆，蝦唔差，蜆就無味;4) 刺身壽司區：刺身有三文魚、油甘魚、吞拿魚，啲刺身好肥美，師傅切得好厚，最好味係三文魚同油甘魚，我食左幾轉;5) Parma ham配密瓜：呢個幾好味;6) 甜品
講返食物先︰
1) 一入門口左手邊有麵包、火腿、芝士等等，啲麵包擺得好靚，靚到我唔捨得食;
2) 右手邊就有一個整韓國部隊鍋或石頭鍋飯既地方，仲可以自己揀配料 (有泡菜、蛋、芝士、午餐肉等等)，我食過咁多次自助餐，都係第一次見有部隊鍋或石頭鍋飯食，好特別，有新意，如果你覺得會好飽，你可以要求廚師幫你整一半份量;
3) 海鮮區：有凍蝦、凍蟹、蜆等 (好失望，無長腳蟹同生蠔提供)，淨係食左凍蝦同蜆，蝦唔差，蜆就無味;
4) 刺身壽司區：刺身有三文魚、油甘魚、吞拿魚，啲刺身好肥美，師傅切得好厚，最好味係三文魚同油甘魚，我食左幾轉;
5) Parma ham配密瓜：呢個幾好味;
6) 甜品櫃：目測有十幾款，見到個甜品櫃放滿晒，啲甜品好靚好精緻，大部份既甜品味道都唔錯，而且係用硬卡紙，望落去好高級，細心一睇，雖然個甜品櫃擺左好多甜品好震撼，不過其實上下層係同款黎架;
7) 雪糕櫃：有gelato 同sorbet選擇，共8種味道，有雲呢拿、士多啤梨、椰子、朱古力、綠茶、伯爵茶等等，我覺得伯爵茶同椰子係最好味，但供應雪糕既妹妹態度就好一般，全程木口木面，可能已經做到麻木左;
8) 前菜、其他甜品：韓式前菜、沙律吧、朱古力塊、朱古力噴泉、窩夫;
9) 熱盤：有串燒、燒物、炸物、中式點心、粉麵等等，燒物同炸物都唔錯。
總括而言：
環境方面，餐廳有無敵大海景，景觀開揚，樓底高無壓迫感，地方大、座位多但唔迫，近窗邊仲有梳化位，坐得好舒服。
食物方面，其實食物種類唔算多，海鮮選擇亦太少，甜品同雪糕係成個buffet既亮點，但始終用四百幾蚊食甜品就唔係太化算，呢個價錢其實可以有其他更好既選擇，但今次有8折就可以一試。另外有個少少既建議，如果唔係太介意個進食次序，可以食左甜品同雪糕先，之後先慢慢食其他野，因為去到buffet中段，排甜品同雪糕既人龍係好長好長，雖然佢refill算快，但唔想排隊既話可以食左先，因為一開始係唔駛排隊。
張貼
