海岸扒房

營業中

休息中

疫情關係，很久沒有去機場了，今日黎試下呢間餐廳，一來可以欣賞一下海景，更可遠望機場同飛機升降。餐廳望出去的環境，簡直係無敵，淨係呢個view，比呢個價錢，性價比極高。食物方面，真係值回票價。先黎個Starter先，之前都有網友介紹，Steak Tartar好好味，當蛋黃同生牛肉撈勻，再配上toast一齊食，味道非常清新，但又唔同韓式牛肉tartar。Main dish, 叫左3款唔同既食物，睇下呢度係咪得牛扒好食先。西餐廳食雞通常都好乾或鞋口，呢個雞有印尼風味，而且juicy又嫩口，真係堅好食。魚柳，個人覺得一般，太乾身加有少許魚腥味，麻麻地，加上本身唔太喜歡白汗，所以更加扣分。只係叫左普通的Rib eye，medium rare，由於係炭燒，好香，肉味濃，賣相簡單，但性價比高，340蚊有咁既質素，抵啦！如果係呢度叫Porterhouse 或 T-bone，相信烤出黎既質素會極高，下次一定試。點都要有薯條配牛扒🤣🤣🤣🤣最後都係叫多個意粉試下，都唔錯，乾身掛汁，加少少黑椒令味道更加突出。一杯咖啡做結尾，回味無窮。