Sky726

之前為左歡送朋友所以係sky726食過一次晚飯，今日故地重遊同女友嚟到Sky726食lunch。餐廳用咗落地玻璃，所以景觀非常開陽，相信夜晚嘅話景色會更加靚，情侶燭光晚餐最適合不過🌃Sky726既午餐選擇可謂多不勝數，其中魚、肉類中幾道慢煮菜式最吸引我。Lunch加$48可以有餐包、餐湯、沙律同飲品。- 賓尼迪蛋（兩隻）Muffin有少少香脆，三文魚份量足夠。荷蘭汁質感香滑，酸度適中，加上旁邊有一堆沙律菜，食完都唔覺好膩。- 油封鴨髀鴨皮非常酥脆，肉質軟稔，用叉就可以將骨肉分離。配菜有洋蔥、蘿蔔等等，賣相好靚！整體而言，食物有水準，景色更加係無敵。唯一挑剔嘅係等待時間有啲長，檸檬茶都等咗15分鐘🤣