影片
更多
2021-04-30
43 瀏覽
Book mark咗好耐嘅呢間店終於試到！喺深水埗地鐵站行出嚟5分鐘都唔使就搵到不得不提嘅佢鋪面真係超~級大起碼係出面嘅Cafe嘅兩至三倍雖然係lunch hour完全唔使等位 (入面都有八成full，但佢鋪面面積真係好大🤣)同埋坐得好舒服即使二人枱都有好大嘅空間！.餐單選擇其實都好多㗎我見大部份人都係推薦窩夫同意粉隔離枱叫咗個軟殼蟹窩夫望落都幾吸引但係好驚食到好狼狽最尾都係叫咗意粉😂嘢飲方面，選擇都幾多㗎！尤其驚喜嘅竟然見到Beileys Latte仲有玫瑰咖啡呢啲出面Cafe唔太常見到嘅選擇🥰朋友叫咗杯Beileys Latte 顏色好似奶茶咁🤣飲落去都幾香我個杯Hojicha Latte都好出色！焙茶味濃郁之餘唔會覺得太苦甜度都把握得好好 可能加咗冰感覺上唔太甜飲落去好清香茶味仲要都幾大杯 希望飲完唔會瞓唔着😂😂上枱嘅時候都嚇咗一跳估唔到佢嘅芫荽係咁多😂😂😂仲多過譚仔嘅芫荽山食落去都係幾清新嘅，不過齋食芫荽就會有浸草青味建議夾落啲意粉一齊食意粉方面口感普通但係個醬汁幾好食！原本好驚會好大陣蒜蓉味結果唔會，啱啱好蒜蓉同辣汁融為一體真係好夾🤤🤤食到底會有少少少少油，但絕對接受到大蝦都
喺深水埗地鐵站行出嚟5分鐘都唔使就搵到
不得不提嘅佢鋪面真係超~級大
起碼係出面嘅Cafe嘅兩至三倍
雖然係lunch hour完全唔使等位 (入面都有八成full，但佢鋪面面積真係好大🤣)
同埋坐得好舒服
即使二人枱都有好大嘅空間！
.
餐單選擇其實都好多㗎
我見大部份人都係推薦窩夫同意粉
隔離枱叫咗個軟殼蟹窩夫望落都幾吸引
但係好驚食到好狼狽最尾都係叫咗意粉😂
嘢飲方面，選擇都幾多㗎！
尤其驚喜嘅竟然見到Beileys Latte
仲有玫瑰咖啡呢啲出面Cafe唔太常見到嘅選擇🥰
Beileys Latte, Hojicha Latte
$36
15 瀏覽
0 讚好
0 留言
朋友叫咗杯Beileys Latte 顏色好似奶茶咁🤣
飲落去都幾香
我個杯Hojicha Latte都好出色！
焙茶味濃郁之餘唔會覺得太苦
甜度都把握得好好 可能加咗冰感覺上唔太甜
飲落去好清香茶味
仲要都幾大杯 希望飲完唔會瞓唔着😂😂
芫荽香辣大蝦扁意粉
$102
11 瀏覽
0 讚好
0 留言
上枱嘅時候都嚇咗一跳
估唔到佢嘅芫荽係咁多😂😂😂
仲多過譚仔嘅芫荽山
食落去都係幾清新嘅，不過齋食芫荽就會有浸草青味
建議夾落啲意粉一齊食
意粉方面口感普通
但係個醬汁幾好食！
原本好驚會好大陣蒜蓉味
結果唔會，啱啱好
蒜蓉同辣汁融為一體真係好夾🤤🤤
食到底會有少少少少油，但絕對接受到
大蝦都幾大隻 滿意！
牛肝菌孖辮粉
$95
8 瀏覽
0 讚好
0 留言
朋友叫嗰個牛肝菌孖辮粉都幾好食
用牛油炒香左嘅菇真係好香🥺🥺
個醬汁同菇再加埋孖辮粉都好夾
上面仲有一絲絲芝士
食落去有啲似以前燒烤嘅時候用錫紙包住啲搽左牛油嘅菇嗰種味道🤣🤣
但真係好好食
孖辮粉比起普通意粉口感更煙韌 好食！
.
之前喺網上見到啲人推介呢間話樣樣都好食
絕對認同！今次冇試甜品同窩夫
下次會再嚟encore！
仲要呢度唔使加一
意粉再加嘢飲都係$130左右 超抵！
環境勁舒服（連個廁所都好大好靚🤣🤣)
服務都唔錯 絕對值得推介俾朋友~
張貼
