Green Waffle Diner (希慎廣場)

營業中

休息中

同妹妹放工食飯，揀咗希慎廣場食西餐。呢間環境開揚，座椅舒適好relax，傾偈好地方。我哋叫咗dinner Special, 頭盤蕃茄沙律，伴碟係炸薯粒，煮食就揀四安士龍蝦尾及慢煮八爪魚腳。薯粒味道香濃，有薯仔味，特別又好食，食到忍唔到口，味道相當驚喜。龍蝦尾慢煮八爪魚，賣相好吸引。龍蝦鮮嫩可口，配以中東小米（口感像藜麥）羽衣甘藍，不錯的配搭。另外叫了香草欖油藍青口扁意粉，好香的蒜味，扁意粉口感啱啱好，青口味道屬於清淡。最後上甜品是士多啤梨大黃醬窩夫配雪糕，雪糕有雲呢拿同朱古力2選一。妹妹揀朱古力味，朱古力雪糕味道好濃郁柔滑，甜味適中，好想知係咩牌子😂窩夫外脆內軟好食。一定要試👍🏼👍🏼最後加杯蝶豆花梳打，清新解渴。順帶一提，餐廳職員話所有材料都新鮮及自製,食材控制及原材料旨可放心,pancake 設「無麵粉」種類，提供低卡路里餐單及生酮飲食，絕對係減肥人士之選擇。