Green Waffle Diner (希慎廣場)

依日去左希慎廣場嘅一間西餐廳 Green Waffle Diner，餐廳注重食物質素，自家製、無添加、無麩質食物、創意素食等多元化菜單選擇，生酮食物可以外帶。入到餐廳，翠綠色調設計優雅，打卡最適合！菜式選擇多，結合加拿大及美式傳統美食，主打唔同口味嘅窩夫同生酮班戟，創意美食。GD Fans 可以去中環擺花街分店，是GD應援餐廳，指定打卡會送應援物。鮮雜莓榖物窩夫配自選雪糕             $82原味waffle外層金黃，香軟鬆化，散發陣陣麵粉香氣，雲呢拿雪糕大大球，配搭百香果、士多啤梨、藍莓、香蕉、穀物，生果新鮮，與清香嘅蜜糖，口感層次豐富，視覺味覺享受！燒烤菇欖油香蒜辣椒扁意粉          $128呢款意粉非常香濃，扁意粉散發麵粉香氣，軟身有咬口，燒烤過嘅菇菌味道特別濃厚，芝士口感幼滑，特式滋味。餐湯跟南瓜湯，好creamy，超濃郁，層次分明，帶有香濃南瓜味，絕對滿足我味蕾。Orange Juice Americano     (+$29)橙汁咖啡顏色好靚，咖啡入口香滑甘醇，味道濃郁，橙汁有果肉，酸酸甜甜，除左好飲外，亦非常適合打卡～Dark Chocolate Milk         (+$32)依杯飲品味道真的很濃，少少甜，帶點甘味嘅可可同好cute嘅棉花糖，加埋忌廉口感幼滑香甜。…查看更多

餐廳：Green Waffle Diner地點：銅鑼灣希慎廣場菜式：西餐。主打不同口味窩夫，包括鹹甜口味。餐牌：除左窩夫，仲有Smoothie Bowl，全日早餐，同多款其他早餐，薯粒鑊仔，沙律小食，意粉，意大利飯，三文治及肉類，班戟。仲有keto菜式。飲品有咖啡或茶，果汁，鮮果沙冰特飲，有機花茶，冷泡花茶，特色奶昔，同酒類。原來過濾咖啡可以無限添飲。假日都有早午餐。Keto食品可以外賣。刨牛肉漢堡配薯條 $158 另加一漢堡包面頭塊包烤得勁香脆，外脆內鬆軟，加左少少牛油更香，面頭加上少少香草。下底係好多薄牛肉片，加上豐富黃色芥末醬汁，撈有少少焦糖化洋蔥，再下底有生菜同一塊包，連下底塊包都係脆脆地。成個包好濕潤唔乾伴有香脆粗身連皮薯條，熱辣辣炸起，簡單加上香草，點埋枱上面既茄汁超正。沙律係少少沙律菜同車厘茄，加上少少黑醋，可平衡油膩感。呢個早午餐送一杯免費餐飲，我叫左熱檸水，足有四片檸檬片。香脆雞翼 $118 另加一呢個價錢有六隻香脆雞翼，都可以揀三隻。六隻可以揀兩款醬，我地揀左BBQ同蜜糖蒜蓉醬。另外有辣味可以揀。雞翼係非常大隻，賣相唔錯，伴有沙律雜菜配車厘茄。雞翼烤得皮脆肉嫩，蒜蓉蜜糖味甜甜地又帶豐富蒜蓉香。BBQ味就少少辣，好惹味。原味窩夫 $34 另加一另外推介一定要喺主餐牌叫窩夫，而最抵食係原味窩夫，齋食加枱上面免費楓糖漿已經夠好食！size係6x4。熱辣辣上枱。有少少燶，口感係外脆內軟，蛋味香濃，果然係招牌！伴有一包牛油，香脆軟腍窩夫加香甜濕潤楓糖漿已經夠好味。呢度窩夫有自選口味，先選窩夫口味，再選配料及醬汁，再加雪糕，逐樣加錢，好有彈性。食完漢堡加小食同窩夫真係大大滿足！餐廳注重食物質素，好多食品都係自家製，無添加，好健康。星期日午市滿座。…查看更多

這間餐廳正如其名，主打健康(health-conscious)食物與窩夫(雖然窩夫聽落不太健康)，有香港餐廳較少見的生酮、gluten-free餐單，及富營養的all-day breakfast選擇。上次食中環店較為擠迫多人，希慎這間則較為寬敞，不過平日晚間都大致坐滿。自家醃製牛肉羅賓三文治 (半份) ($188) ★★★✰✰可能是配合香港人口味，這份聲稱Reuben sandwich酸瓜放在外面，入面沒有德國酸菜或瑞士，略嫌不夠經典。不過鹹牛肉肉味及份量俱十足，不會一味死鹹。薯條也一般般。三文魚扒番茄意大利飯 ($208) ★★★★✰三文魚扒很大份，而且三文魚皮有煎香，肉質不會過熟，煎得不錯。番茄醬食落有新鮮番茄成分，加上一小撮檸檬汁很是開胃，加上青椒等配菜是道令人食慾漸開的主菜。總括而言，這裏的食物選擇有新鮮感，惟價錢絕不實惠(即使考慮其在銅鑼灣商場)，即使不加配套餐(沙律+飲品)也輕易$200/一個人，而且還是自行QR code下單。雖然食物質素不錯，但相信在同一間商場有更優質選擇，短期內不會特此光顧。…查看更多

前排行過擺花街，見到Green Waffle Diner分店是GD應援餐廳，指定打卡仲送應援物😲之前食過，發覺佢地幾食物質素，同埋聽聞食物都係係自家製無添加，食落都安心啲👍🏻今晚喺銅鑼灣覓食，又見到希慎有Green Waffle Diner，見到有軟殼蟹紫蘇忌廉意大利飯，即刻叫個黎試下先～意大利飯軟硬適中，仲配一隻完整嘅軟殼蟹😳忌廉夠晒rich👍🏻仲見到有好吸引嘅芝士鍋，價錢仲好抵😳😳芝士好濃好滑，配菜好豐富，有草飼牛柳粒、卡真香辣雞肉粒、車厘茄、青椒、椰菜花、燒烤菇、麵包粒，芝士鍋仲可以半價加紅酒🍷，超超超正😋😋再嚟個養生黑芝麻鮮奶咖啡，味道幾balance成個晚餐又豐富又好味又健康，開心🥳…查看更多

和朋友到銅鑼灣逛街和吃下午茶，在希慎廣場找到這間餐廳。餐廳出名無添加食物，食得健康，人都靚啲啦😌他們還有生酮友善的餐牌，連waffle都有生銅版本。生酮食物更可以外帶，非常照顧不同飲食人士需要。午餐有湯或沙律、主菜、還有半份窩夫作為甜品，很抵食，由11am - 5:30pm供應，不論是brunch 、午餐、下午茶或Early dinner都適合。手撕豬肉芝士通心粉芝士通心粉十分Creamy，燒烤醬風味的手撕豬肉非常惹味，點綴了芝士的膩感。草飼牛柳配薯條牛柳煎得帶微微焦香，牛柳肉質嫩滑，非常juicy；粗薯條炸得香脆，加上微辣的黑椒汁，非常惹味。水牛城雞翼雞翼炸得香脆，加上濃郁的醬汁，又酸又辣非常醒胃過癮。甜品是他們自家製的窩夫，窩夫質感非常厚實，有點像蛋糕，跟平日吃到的窩夫有點不一樣，但也非常滿足。原來他們在中環擺花街也有分店，更是GD應援餐廳，打卡還會送應援物呢，GD fans絕對不能錯過！…查看更多