牛一 (元朗廣場) (已結業)

啱啱weekend約咗兩個好朋友元朗食嘢，六點幾行過牛一，暫時無咩人，又打邊爐都好喎。選咗三個普通牛肉每位168果款，加咗18蚊要兩種湯底，店員介紹我哋加入指定app有折扣每位減返十蚊(唔記得係咩，朋友裝的）同埋有個墨魚滑送，都幾好。比咗個幾寬敞嘅卡位我哋，不過有一邊比較煙，我哋三個坐曬係同一邊牛肉新鮮，出面選擇都多嘅，第一輪夾完我好鍾意嘅芝士丸之後出去就無再見過有喇，非常可惜。南瓜栗子湯底唔錯，朋友想濃點另外加咗南瓜容落去食完食埋佢呢排有嘅綠茶味乳酪，正~