SHAKE SHACK (東薈城名店倉)

營業中

休息中

今日趁放假入咗東薈城行街，行到八點幾啲舖頭閂曬先去搵嘢食，諗住出返去對面食pizza，點知好驚奇竟然見到地鐵站出口隔離有間ShakeShack，早幾個月行東薈城都未見有，新開無耐就一定要入去翻尋味，務必要食曬咁多間分店先得。呢啲鐘數ShakeShack大把位，仲有得自助點餐，好方便吓，但我都係好傳統去返counter嗌，店員都好welcome，好快搞掂。大概等咗五分鐘就有得食，唔算太飽所以叫咗個single shack burger就夠，chocolate milkshake都係share一杯就算。食落個包面唔夠熱，但塊肉就煎得啱啱好，可能真係人唔多，慢工真係出到細貨，杯milkshake都好濃朱古力味，好好飲。但唯一想挑剔呢間嘅係啲托盤抹得唔夠乾淨，有啲污糟同濕濕哋，衛生要扣啲分，其他服務同食物質素so far都好好。Shack shack 喺香港嘅分店都試勻曬，外國都試過幾間，平均嚟講，我會俾呢間分店評分高過其他嗰幾間，希望開咗一段時間之後都keep到啦。