遇見您

營業中

休息中

餐廳內座位不多，地方乾淨企理，店員有禮貌，芝士鮮茄焗厚切豬扒飯(呢個飯都要預15至20分鐘)我哋傾傾吓都唔覺過左20分鐘🤭表層係芝士一點香草，入面鋪左鮮茄同菠蘿加埋茄汁，味道酸酸甜甜的確好開胃，已切件嘅豬扒，肉質焗完都唔(鞋)，柔軟有肉汁，炒飯底都好香。野菌忌廉酥皮濃湯配松露油鬆化嘅酥皮入面係野菌忌廉，質感同濃度唔會太杰身，野菌味濃亦帶一點松露香，整個酥皮湯濃而不膩。牛肋條黑松露蘆筍炒飯金黃色嘅炒飯，飯粒爽口粒粒分明，味道帶點松露香，牛肋條有肉味亦唔韌，蘆筍同蛋香令炒飯更豐富。