小漁村烤魚火鍋 (已結業)

我同屋企人都好鍾意食烤魚，每次去食一條都唔係好夠喉😜比我發現到有烤魚放題，立即帶埋屋企人嚟食。一開始個海鮮拼盤都幾高質，尤其是海蝦，肉質依然爽彈，唔會蒸得過熟過老。跟住就要食我哋今日嘅重頭戲烤魚！最正嘅係每次都可以叫唔同嘅口味🫶🏻我哋有兩款都好鍾意，金湯酸菜魚同埋重慶麻辣烤魚。酸菜魚個湯底好濃郁，同埋夠熱真係好重要👍🏻酸酸辣辣好開胃，而且食魚唔肥，所以都好放心食🤪而麻辣烤魚都好出色，夠辣夠麻，呢度調味真係要讚，好啱我口味。食完烤魚就可以打邊爐，配料都有好多選擇，食完真係大滿足。總結，呢個價錢有依個質素真係冇得挑剔，一定會介紹朋友試下。