我要烤魚串燒烤魚專門店 (已結業)

真係好鐘意食烤魚！今日同朋友嚟咗呢間旺角👉我要烤魚！食烤魚加串燒~烤魚揀咗重慶麻辣烤清江魚，辣度揀BB 辣，但已經好入味！食得辣嘅朋友可以向中、大挑戰！烤魚外焦內嫩，魚肉鮮嫩與麻辣香氣交織，每啖都濃濃重慶嘅麻辣香咪！餐廳仲有啫啫系列嘅烤魚，而我地就揀咗啫啫鴨血入烤魚，鴨血吸收了烤魚的醬汁，入口滑嫩！麻麻辣辣咁~食烤魚點少得當邊爐咁食，加咗手切封門牛柳響鈴，以及稻庭扁冬。手切封門牛柳肉質鮮嫩，口感極佳，濃郁卻不油膩！響鈴同稻庭烏冬都係掛湯力極強，吸曬啲麻辣湯底真係好正！除咗烤魚，仲可以食串燒燒烤！手工雞皮串外層香脆，而內層保持咗豐富的油脂，咬下瞬間釋放出濃郁的雞香！推薦必食孜然蒜茸豆皮串，表面微微焦脆，內裡卻保持咗彈性。孜然香氣與蒜茸嘅辛辣交融，味道層次豐富！仲有陀地燒生蠔，好抵食！燒過嘅生蠔口感鮮嫩爽口與濃郁蒜蓉相得益彰，鮮味十足！最岩同朋友一次過食齊烤魚、串燒燒烤等，CP值極高！