Niksen Koffie (已結業)

寵物友善餐廳，入面有寵物專門食嘅餐，入面座位都好寬闊，好適合帶埋寵物一齊嚟。-紅菜頭卡邦尼意粉普通嘅卡邦尼意粉通常都有少少蛋汁喺個面度，但係唔食落通常如果唔係處理好好都會覺得好滯，會有比較油膩感覺。不過今次加上紅菜頭，食落感覺健康好多，而且唔會滯住個胃。配料嘅肉質都好好，切得好厚，好有咬口。跟餐—熱久正小山園抹茶鮮奶好特別，可以選擇鮮奶係無乳糖嘅鮮奶，對於乳糖不耐症嘅人士，飲依啲鮮奶就唔會唔舒服。另外小山園抹茶牌子眾所皆知係靚，質料相信係唔錯，綠茶香伴着一啲鮮奶香口感好滑溜，可以好好享受一下。跟餐—隨機蛋糕，最近聖誕節，就有一個朱古力柚子味嘅蛋糕，入面有幾種口感，出面軟身朱古力，入面就有少少海綿蛋糕加上柚子嘅香味。-焦脆烤「酒」地三黃雞伴精選薯菜食過咁多間西餐嘅烤雞，呢間係最好食。半隻雞，大概要烤半個鐘，每一個部位都滲透住酒香味，雞胸都唔會好硬，keep住滑，雞髀肉就更加滑。通常出面都會烤到好乾身，佢拿捏火候啱啱好。伴菜都整得又軟，但係又有咬口。香料配合得好好，仲有一粒粒蕃茄，咬落去爆汁，熱辣辣。