THE HUNTER

將軍澳海傍有唔少西餐廳。呢間餐廳比較特別係有唔少烤焗菜式，而牛扒都有經過熟成處理㗎。✨烤八爪魚鬚 西班牙八爪魚、鷹嘴豆、墨魚油醋汁、特調辣椒醬 $188八爪魚烤得均勻，口感柔軟，有明顯烤焗香味。佢哋嘅特調辣椒醬辣度唔高，不過有種莎莎醬嘅清新酸味。✨蟹肉意大利麵 蟹肉、番茄、甲殼海鮮醬 $198醬汁唔止得番茄酸味、仲夾雜海鮮嘅鹹鮮味道。意大利麵有咬口，沾滿醬汁、蟹肉非常惹味。✨美國1855黑安格斯頂級Prime牛肉眼 $480計一計400g肉眼原來有14oz咁多，份量夠晒兩個人食。牛扒表面有好靚嘅烤焗紋，味道略帶焦香。肉質軟嫩易咬。🍹Fizzle Swizzle $98Fresh Passion-Fruit, Coconut, Pineapple, Citrus, Seltzer🍸Navigator $98Fresh Ambrosia Apple & Cucumber, Citrus & Lemon Lime Soda