春芳號 (始創中心)

營業中

休息中

平時好少行入始創，都唔知原來呢度有間春芳號！因為之前朋友買過幾杯外賣一齊飲，覺得幾好飲，啲杯又好靚好有特色！今日親自經過，又見12月都仲有25度，點都要整返杯解下渴😆上次飲咗奶綠，今次揀咗烏龍珍珠奶茶嚟試！落單時店員有細心咁問珍珠要唔要轉愛玉/寒天，話佢哋今個星期開始有得轉呢啲配料～ 我都係揀返original — 覺得珍珠配奶茶先係最夾😆 飲品一拎到手就覺得個杯好靚好有聖誕氣氛！烏龍珍珠奶茶好飲！叫咗半糖，甜度適中，烏龍茶味好出，奶茶好順口～ 珍珠飲落口滑得嚟 咬落又幾煙韌！下午茶整返杯春芳號真係好滿足！