迷你毛

營業中

休息中

平日weekday lunch. 喺OpenRice book咗枱，居然有張枱對住落地玻璃嘅一個角落，有L型長凳嘅位，好有privacy 👍🏼, 呢個值得一讚👍🏼 雖然嗰個位冷氣唔係好到倒，但可以借店內嘅風扇仔放喺枱度吹住自己，算係幾貼心嘅安排 。明太子醬炸軟殼蟹夾餅配薯角：薯角非常鬆脆，夾餅就冇乜特別係有一大pad明太子醬，靠佢比到個味，軟殼蟹比較細隻，感覺係食到一啲炸嘅嘢，味道唔出 。肚餓唔好叫呢碟 。香辣伏特加茄子肉醬貓耳朵粉：比想像中Creamy，唔食得辣嘅人都食到（所以可以話係唔辣），貓耳朵粉第一次食，有啲似貝殼粉 。茄子係一條條絲，如果厚啲更加好。tiramisu: 軟腍腍到識得震😂, 非常creamy！咖啡味同酒味都出，幾大個，兩個人share啱啱好 。因為係平日嘅關係，人唔算太多，坐咗差唔多兩個鐘都冇被趕然後去附近小店行吓，咁又過咗美好嘅一日喇 。