Cakebearbear (已結業)

如果要搵打咭熊主題餐廳，呢度應該滿足到你。而我當然係為食熊而來。熊主題cafe位於北角城市花園，大量熊仔比你攬住打咭，大人小朋友都鐘意。餐牌都幾多花款，多款有熊仔特色的出品，好難唔揀嚟打咭。朱古力麻糬窩夫配睡眠熊伯爵茶慕絲蛋糕 $140睡眠熊慕絲蛋糕搶晒fo，打咭必備。睡眠造型人見人愛，非常治癒。影完相又可以食，幾香伯爵茶味。底下有朱古力麻糬窩夫，香脆又煙韌，口感獨特。First Love $45粉紅色熊仔特飲，又一打咭之作，口感香滑，帶士多啤梨味，而且唔會太甜。腐乳卡邦尼煙肉意粉 $112卡邦尼煙肉意粉都係cafe常客，但加左腐乳醬立刻升級。第一次食腐乳意粉充滿驚喜，香濃腐乳同卡邦尼汁夾得到，意粉有creamy口感，大量煙肉口感豐富，絕對唔係伏味。香脆炸薯角 $65去cafe嗌嘢食，點少得香口嘢，薯角外脆內軟，總有令人無法抗拒的魔力。