凱逸餐室

營業中

休息中

元朗其實有好多唔同種類既菜式，平既車仔麵，貴既壽司，通通都有好出名既店。老實講句，今次食既呢間茶餐廳完全唔起眼。我會食既原因係👉長期都有煲仔飯食！結果都覺得，我地真係無黎錯！因為我真係好想好想好想食煲仔飯，所以呀媽就陪我黎食。我地叫左南乳粗齋煲，北菇滑雞煲仔飯，同兩杯熱奶茶。佛手瓜蘿蔔湯好足料，而且幾好飲～南乳粗齋煲好得意既配搭，唔知點解有茄子。正常既菜類就有雪耳，筍，菇，粉絲，雲耳。雖然配搭有啲奇怪，但要讚既係，佢既調味唔會過濃，而且唔會好油。岩哂我地呢啲想食惹味既野，但又唔想食得太油膩既人。北菇滑雞煲仔飯今日既主角終於黎啦！！！上枱之後再焗一陣先開，賣相都幾靚。鐵匙羹鏟到底鏟到有飯焦，開心～～～而且啲飯食落去又夠香，係煲仔飯獨特既香味！滑雞真係滑，而且唔腥，抵讚！！熱奶茶本身我地唔係特別期望會好飲而叫兩杯，只係我地兩個都鐘意飲奶茶，所以想試試。我地都一致讚成佢既奶茶沖得好飲，茶味夠濃，同奶既平衡都做得唔錯，美中不足既就係唔係用瓦杯裝。