霸嗎拉麵 (金巴利道)

營業中

休息中

為去日本作準備，未來大半年日本機票仲係好貴，今日油尖旺區staycation後扮遊客行過嚟尖沙咀加拿芬道斜路《霸嗎拉麵》食個日本拉麵，感受下日本排隊食嘢嘅文化，店外要排隊，不過好快都有得入，因為店員好有 效率，流量快，基本上左邊右邊都係遊客，似乎香港市況真的轉好了。黑暗之料理，十月比較多萬聖節feel嘅服飾、髮式，連食物嘅顏色都係咁嘅色，期間限定，要試就快啲去加拿芬道排隊。老公點咗個《極黑蒜醬油豚肉竹炭拉麵》~上枱嘅時候真係有啲驚嚇，成個麵都係黑色，竹炭拉麵係黑色嘅，個蛋係皮蛋都係黑色嘅，湯底都係黑醬油，好香蒜味，非常可口，兩大件日式叉燒差啲以為用咗寫書法嘅墨汁染黑咗，整體個拉麵做得好出色，加入葱粒，湯底味道香濃，越食越好味，竹炭麵爽口彈牙，麵嘅軟硬度可隨意選擇，點菜寫紙仔嘅時候記得剔清楚。自己點咗個《雞叉燒味玉雞白湯拉麵》~雞叉燒特別大件，厚切，冇腩肉咁肥，玉雞白湯底特別香甜，除了雲耳絲外，仲有成隻溏心蛋，自己慢慢用筷子夾開， 流心蛋黃唔會流咗落啲湯度。