世一冰室

營業中

休息中

🐑炸雞半隻，真係唔錯喎，其實真係酒樓炸子雞咁做法，只不過係唔斬件直接上枱咁解啫。餐廳係用黃油雞，醃得夠味，皮炸得香脆，肉有肉汁夠Juicy，來貨好靚，值得推薦，絕對可以Encore👍🏻。🐑鐵板厚西冷配凡立貝，鐵板唔熱，淋汁落去冇任何反應，呢個係死罪。話明係厚西冷，結果變咗兩塊薄西冷，唔係好啱商品說明條例，不過見佢份量都夠，同埋塊扒本身都算熱辣辣咁就算啦。凡立貝係新鮮海鮮貨，有裙邊、有內臟，反而有驚喜。薯角又係熱辣辣，都係唔錯。黑椒汁屬正常發揮。整體來說叫做勉勉強強食得下啦。🐑羅宋湯，唔係好掂，超淡🤭，但勝在辣度夠。