PURADAK CHICKEN (奧海城三期)

營業中

休息中

炸雞界既名牌，終於有機會試啦！餐廳亮點之一一定係Oppa店員，真正韓國Oppa，視覺享受齊晒🤣食物點評✍🏻✍🏻✍🏻半半炸雞炸雞全部有得簡有骨/無骨，超貼心！味道方面我地就簡佐秘製黑醬油同紫菜脆脆，大推一定係秘製黑醬油👅炸雞咸香味十足，食落有少少辣，配埋脆蒜片一齊食，食落就更加惹味🤤另一隻味就相對上淡啲，真係有啲紫菜脆脆可以伴住黎食，另外有啲調味粉，同樣惹味，重點係全部炸雞都唔會鞋口，啖啖肉，超級爽！而且會有酸蘿蔔送埋，唔怕會食到好滯😗韓式炒粉絲粉絲簡簡單單，有啲蔬菜絲同菇絲一齊去炒，口感煙煙韌韌，又唔會炒到好油，唔想食太飽既主食簡呢個就岩啦🤓爆粟黑芝芝波芝士控既我見到一定要叫，呢個係小食，炸芝士波波，我地加埋粟米粉落去，會撈埋少少芝士粉，味道更濃🤭一咬落去啲流心芝士就爆晒出黎，芝味香濃，而且芝士波波既皮煙韌有咬口，口感好得意，熱辣辣咁食係更加香😋呢度既飲品亦有唔同選擇，酒精同非酒精既飲品都有，而且有開放式座位，坐得都好舒服！