李家 (筲箕灣道) (已結業)

見到呢一間韓國餐廳開咗好多間分店，西灣河呢間分店仲要係全新，同朋友趁放假嘅時候一齊去食飯。餐廳嘅侍應都係韓國人，而餐廳嘅菜式屬於比較傳統，所以食物嘅味道亦都有所保證。同朋友兩個人嗌左兩款口味嘅炸雞試吓，首先講吓佢嘅咖喱味道先，本來我自己都有啲驚會好辣或者個味好重，但食落口非常有驚喜，佢嘅咖喱味係屬於甜鹹嘅味道，鹹味唔會好重偏甜，而且亦都唔會成口粉。我哋嗌咗無骨，價錢唔會差好遠，但咁樣食方便好多！以前辣味嘅炸雞醬汁比較多，啲醬汁會令到炸雞本身嘅皮冇咁趣，但係口感亦都非常之唔錯！最後我哋仲嗌左一個魚糕湯，湯嘅味道唔會好鹹，而且入面嘅魚糕份量非常之多，兩個人肯定食唔晒！