栗堂

營業中

休息中

「南丫島日式車仔麵，日式家庭設計，舒服坐坐，涼涼冷氣。」今日雖然係平日，估唔到，南丫島都有唔少遊客，西人比較多，而島上餐廳多數堅離地，不論海鮮飯店或是西餐，還請百元以上，除了那間冇冷氣既碟頭飯店。中午午飯時間，榕樹灣大街散步着，選擇困難症發作中，突然，右手邊有人徐徐拉開大門，放眼是一間和食店。「啱啱開舖嗎？」我道。「係呀，請隨便睇睇。」老闆娘說。我立馬步進店內，做今日第一個客人。「栗堂」主要提供二三四餸車仔麵，而老闆娘有介紹，該店最自豪的是炸物，建議嚐辣既朋友仔試下咖喱豬皮，車仔餸仲有唔少素食店先有既腐皮卷以及芋頭魚，廚師會幫客人另碟上。揀了咖喱豬皮、炸芝士腸、炸魚腐，配豬骨湯米線，炸芝士腸同炸魚腐非常有味，炸芝士腸外型好似便當既八爪魚型腸，令人想一口食左佢。