巷仔內

營業中

休息中

到咗生日月，去咗呢間巷仔內同朋友食飯。呢度出名巨無霸炸全雞同埋巨無霸排骨飯，午餐又包一杯飲品。估唔到朋友仲俾咗個驚喜我。手撕巨無霸炸全雞做成生日蛋糕，的確幾驚喜，第一次食炸雞吹蠟燭。聽佢哋講要早五日預訂。但炸全雞就平時2:30後就供應，假日就全日供應添。手撕炸雞內面爆曬汁，外皮脆爆。超級好食。其他台式美食都唔錯，巨無霸炸排骨，真係有成隻手掌咁大塊。塔香鹽酥雞亦都夠晒台式風味，加埋檸檬椒鹽味道更加清新添。仲有原來晚市係任飲綠茶同埋冬瓜茶，咁就完全唔使怕啲熱氣嘢口渴啦。