炯記手撕雞 (汝州街) (已結業)

一般港式燒味店通常都俾人環境污糟，快快趣食完就走嘅感覺，但呢一間炯記手撕雞，絕對令我改觀ε-(´∀｀; ).店入面以黑膠碟作裝飾，有20-30位置，廚房係餐廳入面，唔會同入店客人打晒交咁，餐堂冷氣好夠，亦都乾淨企理，第一印象已經好好！.必試⭐️手撕雞腸粉！叫左雙拼手撕雞，有鹽焗同麻辣，兩款都做得好出色，份量好多，雞絲都好滑，腸粉俾醬絕對更係無手軟，咩醬都有！.出色嘅清湯牛腩撈粗麵，份量好多，2個人都足夠，每條麵條都俾啲汁包裹住，調味做得好，唔會過於重口味！.另加左芝士焗西蘭花，又係大大份，多到好似成個西蘭花俾左我哋咁，可惜白汁做得麻麻，但菜好新鮮，就咁食都好味.小食叫左小吃三皇盤，有鳳爪、雲耳、雞腎，又係大大份，鳳爪酸酸地好開胃，雞腎煮得啱啱好，入味又唔會鞋