雞少去骨海南雞

營業中

休息中

海南雞專門店近幾年越開越多，競爭超激烈，今次就比我係炮台山揾到間高質嘅新餐廳。位於英皇道嘅雞少，舖頭入面光猛又乾淨。招牌海南雞二人餐（$178）套餐包括招牌海南雞半隻，份量夠曬兩個人食。餐廳嚴選三黃雞，雞件切至一口大少，皮薄又爽，肉質嫩滑，伴以三種蘸醬，包括自家調製薑蔥、酸辣醬及甜豉油，各具特色！另選菜式我哋就揀咗滷水元蹄，超軟腍又入味，入口唔會太油膩，送飯一流！每人一客無味精住家湯，湯料有蘿蔔同絲絲南瓜蓉，仲要無味精，飲曬成碗都無問題！套餐仲有雞湯白灼時菜，今日係爽脆清甜大菜芯配上少許蠔油。香油飯好有心思，黃色米飯混入油蔥酥，一上枱已聞到香味，入口粒粒分明帶油香！未完呀，呢個二人餐仲包港式熱飲2杯，如果想食小食，都可以用優惠價加配，我哋今日就食泰式炸蝦餅（+$20），酥脆可口，正常發揮。