新九記粥麵

營業中

休息中

今日得嗰17度，凍凍地最啱食粥。諗起灣仔有間叫 “新九記” 食粥麵的，一於去醫肚兼暖身。位於大王東街，好易搵。店面光猛，店內乾淨。坐得都舒服。服務員姐姐招呼唔錯，粥品配料可自由配撘，我揀左皮蛋滑牛粥、灼鯇魚皮、牛筋腩併豬手。粥品係生滾，天寒地凍食一啖滾熱辣粥，暖到入心。粥品質素高，就一個 “綿” 字，牛肉就一個 ”滑” 字，皮蛋都是 “糖心” 的；超好味！灼鯇魚皮配以薑䓤加麻油辣椒絲上，我叫姐姐再私人醒碗辣椒豉油，爽脆、微辣、麻油香共冶一爐；一個人可食晒一整碟。唔夠飽再配多碗牛筋腩併豬手，兩者皆炆得好夠時間，筋腩腍滑柔軟，好入味。間中仲喺 d 汁入面搵到陳皮碎，我最鍾意陳皮嘅甘香，炆牛筋腩真係一流。無意中見到餐牌上介紹粥底打邊爐，下次一定要試下。