大戶川·小火鍋 (已結業)

同朋友嚟到黃埔打邊爐，間餐廳好近地鐵站，位置方便👍🏼 面積好大，座位好闊落！醬料有好多選擇！火鍋係一人份，所以可以同朋友揀唔同湯底👍🏼 我揀咗花膠雞湯，朋友揀咗壽喜燒！有好大舊花膠，個雞湯好清甜，唔重味精！叫咗2個餐+加咗啲配料，最欣賞個黑毛A5和牛，好鬆軟，呢間火鍋店嘅配料好新鮮，同出面放題/火鍋片配料嘅質素完全唔同，同埋好多選擇，連雞子都有，仲要好大粒、肥美！甜品有冰、窩夫選擇，我揀咗個柚子醬牛角包窩夫，呢餐就完美結束。餐廳宜家進行緊魚蝦蟹和你玩活動，大家可以參與。順帶一題，餐廳嘅廁所好大好舒服，係日式style!